အားတော့နာပါတယ်၊ ထမင်းစား ပျက်သွားနိုင်တဲ့ စကားပုံလေးတစ်ခုနဲ့ ဆောင်းပါးကို စဖွင့်ရမှာမို့ပါ။ “၀က်ဖြစ်မှတော့ မစင် မကြောက်နဲ့တော့” တဲ့။
ဒီစကားလေး ကြားဖူးကြမယ် ထင်ပါတယ်။ အများအားဖြင့်တော့ မထူးဇာတ်ခင်းလိုက် လို့ အဓိပ္ပါယ်ပေါက်ကြပါတယ်။
လောင်းကစားနည်းနည်းလုပ်တယ်၊ ရှုံးသွားတယ်၊ မထူးပါဘူး မရပ်နဲ့တော့ ဆက်သာလောင်း ဆိုတာမျိုးတွေမှာ ပြောလေ့ရှိကြပါတယ်။
ကျွန်တော်ကတော့ နောက်တစ်ဖက်ကနေ လှည့်တွေးကြည့်မယ်။ ပရော်ဖက်ရှင်နယ် အလုပ်တစ်ခုချင်းစီမှာ သက်ဆိုင်ရာအလိုက် မကောင်းတဲ့အပိုင်းတွေ၊ စိတ်ညစ်ရတဲ့အပိုင်းတွေဆိုတာ ရှိကြတာပဲ။
တခြားပရော်ဖက်ရှင်တွေမှာလည်း အဲ့လိုပဲ။ စစ်သားအလုပ်ဟာ ဂုဏ်ယူစရာကောင်းတယ်။ တိုင်းပြည်ကို ကာကွယ်နေရတာကိုး။ (ယေဘုယျသဘော ပြောပါတယ်။) ပြည်သူပြည်သားတွေကလည်း ချစ်တယ်။
ဒါပေမယ့် စစ်သားလုပ်မယ်ဆို တိုက်ပွဲကျနိုင်တယ်၊ ဒုက္ခိတဖြစ်သွားနိုင်တယ် ဆိုတဲ့ အဆိုးဘက်ကိုလည်း လက်ခံထားနိုင်ဖို့လိုတယ်။
ဒါကိုကြောက်နေရင် စစ်သားမလုပ်နဲ့။ စစ်သားလုပ်မယ်ဆိုလည်း ဒါကိုပဲ အကြောင်းပြမနေနဲ့။ ဒါက စစ်သားတစ်ယောက်အဖြစ် ရပ်တည်မယ်ဆိုရင် ပါကိုပါလာမယ့် ကိစ္စပဲ။
ဆရာဝန်ဘ၀၊ ပီတိဖြစ်စရာကောင်းတယ်။ လူတွေကလည်း လေးစားချစ်ခင်ကြတယ်။
ဒါပေမယ့် အလုပ်ချိန်ရယ်လို့ သတ်သတ်မှတ်မှတ်မရှိနိုင်တာ၊ လူ့အသက်နဲ့ အလုပ်လုပ်ရတာမို့ စိတ်ဖိစီးမှုများတာ၊ အမှားအယွင်းမခံတာ၊ အမြဲတမ်း ဆေးပညာအသစ်အသစ်တွေကို လေ့လာနေရတာ၊ ဒါတွေကလည်း ဆရာဝန်ဘ၀မှာ ကပ်ပါလာပြီးသား ဖြစ်တယ်။
လက်မခံနိုင်ရင် ဆရာဝန် မလုပ်နဲ့ပေါ့။
အဆိုတော်ဘ၀၊ တွေးကြည့်ရင် ပျော်စရာကြီး။ ကိုယ်က လက်မြှောက်ဆို မြှောက်ကြတယ်၊ ခုန်ဆို ခုန်ကြတယ်၊ ကိုယ့်နာမည်ကို စင်အောက်ကနေ အော်ပြီး အားပေးနေကြတယ်။
ဒါပေမယ့် အဲ့လိုနာမည်မကြီးခင် ရေသန့်ဗူးဒဏ်ကို ခံရနိုင်တယ်၊ အဝေဖန်ခံရမယ်။ ကိုယ့်အသံ၊ ကိုယ့်သက်လုံကို ထိခိုက်စေမယ့် အပြုအမူတွေကို ရှောင်ရှားရမယ်။
လူသိပဲများချင်တာ၊ Popular ပဲ ဖြစ်ချင်တာ၊ ဝေဖန်ရင်တော့ ပြင်းပြင်းထန်ထန် ရန်ပြန်တွေ့ပစ်မယ် လုပ်နေလို့မရဘူး။ ဒါတွေကို ကြောက်နေရင် အဆိုတော် မလုပ်တာကောင်းတယ်။
ကျွန်တော်တို့ပတ်ဝန်းကျင်မှာ တချို့လူတွေဟာ ကလေးစိတ်မကုန်ကြသေးတာကို တွေ့ရတယ်။
ကလေးရဲ့ သဘာဝအရ ကောင်းတာတွေချည်း လိုချင်တယ်။ မကောင်းတာ နည်းနည်း ပါလိုက်ရင် မကြိုက်ကြတော့ဘူး။
တဖြည်းဖြည်း အသက်ကြီးလာတဲ့အခါမှာတော့ ကလေးဘ၀ကလို အမြဲတမ်းအကောင်းတွေချည်း ဖြစ်မနေနိုင်ဘူး ဆိုတာကို လက်ခံနိုင်အောင် ကြိုးစားလာရတယ်။
ဘယ်အလုပ်မဆို ပျော်စရာရှိသလို စိတ်ပျက်စရာတွေလည်း ရှိတယ်။ ကောင်းတာရှိသလို ဆိုးတာလည်း ရှိတယ်။
Positive ရှိသလို Negative လည်း ရှိတယ်။ အဆီတွေနဲ့ ၀င်းနေသလို၊ သဲကလည်း တရှပ်ရှပ်ဖြစ်နေတယ်။
တစ်ခြမ်းကိုပဲ လိုချင်ပြီး တစ်ခြမ်းကို မကြိုက်ဘူး ငြင်းလို့မရဘူး။ အကုန်လုံးကို လက်ခံနိုင်စွမ်း ရှိရတယ်။ ဒါကိုပဲ ပရိုပီသတယ်လို့ ခေါ်ကြတာဖြစ်တယ်။
အစိုးရဖြစ်ရင် ဝေဖန်ထောက်ပြခံရမယ်။ ဘောလုံးသမားဖြစ်ရင် အမြဲမပြတ် လေ့ကျင့်နေရမယ်၊ အနေအထိုင် ဆင်ခြင်ရမယ်။
Customer service ပေးတဲ့သူဟာ ကိုယ့်စိတ်ခံစားချက် ဘယ်လိုပဲဖြစ်နေပါစေ၊ မျက်နှာကို ပြုံးရွှင်နေအောင်၊ ၀ယ်သူအပေါ် စိတ်ရှည်ရှည်ထားနိုင်အောင် ကြိုးစားထားရမယ်။
တစ်ခုခုကို ကြီးကြီးမားမား ပြောင်းလဲပစ်ချင်တဲ့သူဟာလည်း ရှုံးနိမ့်မှုတွေ၊ စိတ်ပျက်စရာတွေနဲ့ ယဉ်ပါးနေအောင် လေ့ကျင့်ထားနိုင်ရမယ်။ အဲဒီလို ပြင်ဆင်မထားနိုင်ရင် အစောကတည်းက အဲ့အလုပ်ကို မလုပ်ခဲ့တာ ပိုကောင်းလိမ့်မယ်။
တစ်ခါတစ်လေမှာတော့ လူငယ်တွေဟာ အောင်မြင်နေတဲ့သူတစ်ယောက်ကို ကြည့်ပြီး သူ့လိုဖြစ်ချင်ကြတယ်။
ဥပမာ ဘောလုံးသမား၊ အဆိုတော်၊ ဆရာဝန်၊ လုပ်ငန်းရှင် စသဖြင့်ပေါ့။
ဒါပေမယ့် အဲ့လိုတော့ ဖြစ်ချင်ပြီး သူရင်ဆိုင်နေတဲ့ စိတ်ဖိစီးစရာတွေ၊ များပြားလှတဲ့ အလုပ်ချိန်တွေ၊ သူစိုက်ထုတ်ရတဲ့ အားအင်တွေကို သိရတဲ့အခါမှာ ကိုယ်ဟာ အဲ့လိုလူ မဖြစ်ချင်တော့ဘူး။
ဒါဆိုရင်တော့ ကိုယ်ဟာ အဲဒါကို တကယ်နှစ်နှစ်ကာကာ လိုချင်နေတာ မဟုတ်သေးဘူးလို့ သတ်မှတ်နိုင်ပါတယ်။
အောင်မြင်ချင်တယ်၊ မကြိုးစားချင်ဘူး။ နာမည်ကြီးချင်တယ်၊ ဒါပေမယ့် အဲ့လိုဖြစ်လာဖို့ ဖြတ်သန်းရတဲ့ ခရီးကြမ်းကိုတော့ ကျွန်တော်တို့က မသွားချင်ဘူး။
ရေတွင်းက ခုမှတူးတုန်း၊ ရေကြည်က သောက်ချင်နေကြပြီ။ တကယ်တမ်းတော့ လူဟာ တခုခုကို ဖြစ်ချင်လာပြီဆိုတဲ့အခါ ဘာကိုမှ မမှုတော့ပါဘူး။
ဒီအလုပ်ကိုလုပ်မယ်ဆို ဒါတွေကြုံရနိုင်တယ်ဆိုတာ သိသိကြီးနဲ့တောင် ခေါင်းမာမာနဲ့ ဆက်လုပ်နေဦးမယ် ဆိုတဲ့အလုပ်မျိုးကသာ ကိုယ်တကယ် Passion ရှိတဲ့အလုပ်မျိုး ဖြစ်ပါတယ်။
ဆရာတစ်ယောက် ပြောသလို ပြောရရင် ဂီတကို သိပ်ဝါသနာပါတဲ့ လူတစ်ယောက်ဟာ သူ့အခွေထွက်၊ သီချင်းတွေပေါက်၊ ပရိသတ်က အားပေးမှ ပျော်တာ မဟုတ်ဘူး၊
သူ့ဟာသူ သီချင်းတွေရေး၊ သီချင်းတွေတီး၊ ဖန်တီးမှုတွေလုပ်နေရကတည်းကိုက ပျော်နေတာတဲ့။ သဘောက ပန်းတိုင်ရောက်မှ မဟုတ်ဘူး၊ ခရီးကြမ်းကို ဖြတ်နေရကတည်းက ပျော်နေတာ။ အဲ့လိုအလုပ်မျိုးကို ရှာဖို့လိုပါတယ်။
အစပိုင်းမှာ ပြောခဲ့တဲ့ စကားပုံကို ပြန်ကောက်ရရင် ၀က်ဖြစ်ချင်တယ်ဆို မစင် မကြောက်နဲ့၊ အဲ တကယ်လို့ မစင်ကို ကြောက်နေပြီဆိုလည်း သေချာတယ်၊ ကိုယ်ဟာ တကယ် ၀က်ဖြစ်ချင်တာ မဟုတ်သေးပါဘူး။
ဒါကြောင့် ဆောင်းပါးကို ပြန်ချုပ်ပြီး ပြောရရင်တော့ အလုပ်တစ်ခုမှာ ပရိုပီသတယ်ဆိုတာဟာ ဒီအလုပ်ရဲ့ အကောင်းအဆိုး အားလုံးကို လက်သင့်ခံနိုင်စွမ်းကို ခေါ်တာဖြစ်ပြီး၊
လူတွေပြောပြောနေတဲ့ Passion ဆိုတာကတော့ အကောင်းတွေဖြစ်နေချိန်မှာ ပျော်နေတာမျိုး မဟုတ်ဘဲ၊ အဆိုးတွေနဲ့ ရင်ဆိုင်နေရချိန်မှာတောင် ရှေ့ဆက်လျှောက်နေဦးမယ်ဆိုတဲ့ စိတ်ကို ခေါ်တာ ဖြစ်ပါတယ်။
Recommended for you-သုညကနေ စဖို့မလိုတော့ဘူး
Credit; drphothiha
ကျွန်တော်တို့ MMRD မှ Myanmar Advertising Directory စာအုပ်များအပြင် အခြားသော စာအုပ်များလည်း ထွက်ရှိနေပါပြီနော်...။
