-->


ကမ္ဘာတစ်ဝှမ်းမှာ ဒီဂျစ်တယ်ပိုင်းဆိုင်ရာကြော်ငြာသုံးစွဲမှု မြင့်တက်

ကမ္ဘာတစ်လွှားမှာ Lockdownပိတ်ဆို့မှုတွေကြောင့် လူတွေက Social Mediaတွေကို ပိုအသုံးပြုလာကြပြီး Digital Platformကို ပိုအာရုံစိုက်လာတာကြောင့် ဒီဂျစ်တယ်ကြော်ငြာသုံးစွဲမှုက ၂၀၂၀ ခုနှစ်မှာ အရင်က ကမ္ဘာတစ်လွှား ကြော်ငြာသုံးစွဲမှု ဈေးကွက်ထက် တစ်ဝက်ကျော်လောက် ကျော်သွားလိမ့်မယ်လို့ Zenithရဲ့ ကြော်ငြာအသုံးစရိတ် ကြိုတင်ခန့်မှန်းချက်အရ သိရပါတယ်။

 

မီဒီယာ အေဂျင်စီတွေက ဒီတိုးတက်မှုကို ၂၀၂၁ခုနှစ်အတွက် ခန့်မှန်းထားသော်လည်း ဒီနှစ်ရဲ့ ဒီဂျစ်တယ်ဈေးကွက်က အရင် ၄၉.၅ရာခိုင်နှုန်းမှ ယခုအခါ ၅၁ ရာခိုင်နှုန်းထိ မြင့်တက်ခဲ့တာပဲ ဖြစ်ပါတယ်။

 

"coronavirusက ကုန်အမှတ်တံဆိပ်တွေကို ဒီဂျစ်တယ်စီးပွားရေးဘက်သို့ မျှော်မှန်းထားတာထက်ပိုပြီး မြန်မြန်ပြောင်းလဲဖို့ တွန်းအား ဖြစ်ခဲ့ပါတယ်။ ၂၀၂၁မှာ ခန့်မှန်းထားတဲ့ ကမ္ဘာ့ကြော်ငြာသုံးစွဲမှု ဈေးကွက် အခြေအနေတစ်ခုက ၂၀၂၀မှာပဲ ဒီဂျစ်တယ်ကြော်ငြာတွေနဲ့ ယခင်ဈေးကွက်ထက် တဝက်ကျော်လောက် ဆွဲဆောင်နိုင်ပါလိမ့်မယ်"လို့ Zenithရဲ့ forecastingဌာနမှူး Jonathan Barnardက ပြောကြားခဲ့ပါတယ်။

 

"၂၀၀၉ခုနှစ် ကမ္ဘာ့စီးပွားရေး အကျပ်အတည်းအပြီး စီးပွားရေးကျဆင်းမှုမှာ ၉.၅ ရာခိုင်နှုန်းကျဆင်းခဲ့ပြီး စျေးကွက်တစ်ခုလုံးက ယခုနှစ်မှာ ၉.၁% ကျဆင်းနိုင်လိမ့်မယ်" လို့ Zenithက ပြောကြားခဲ့ပါတယ်။

 

အေဂျင်စီကတော့ နောက်နှစ်မှာ တိုကျိုအိုလံပစ်ဂိမ်းများနှင့် ယူအီးအက်ဖ်အေယူရို ၂၀၂၀ အစီအစဉ်တွေကြောင့် ၅.၈ရာခိုင်နှုန်းလောက် ပြန်ရရှိနိုင်တယ်လို့ ခန့်မှန်းထားပါတယ်။ သို့သော် ၂၀၁၉ခုနှစ် ဒီဇင်ဘာလမှာ တရုတ်နိုင်ငံတွင် coronavirus ပေါ်ပေါက်လာခြင်းက သတိမပြုမိခင်မှာဘဲ ဒီနှစ်ရဲ့ ကမ္ဘာလုံးဆိုင်ရာကြော်ငြာဈေးကွက်ရဲ့ ၄.၃ရာခိုင်နှုန်း တိုးလာလိမ့်မယ်လို့ Zenith ကခန့်မှန်းထားပါတယ်။

 

သို့သော် ယခုနှစ်ကျဆင်းမှုနှင့် နောက်နှစ်ပြန်လည်ထူထောင်ရေး ကိန်းဂဏန်း ခန့်မှန်းချက်တွေက ကမ္ဘာ့ဒေသ အသီးသီးနှင့် မီဒီယာတွေအကြား သိသိသာသာကွဲပြားပါတယ်။ အာရှ-ပစိဖိတ်စျေးကွက်က ၈ ရာခိုင်နှုန်း ကျဆင်းသွားပြီး ကူးစက်ရောဂါရဲ့ ဒဏ်ကိုအများအပြားခံစားခဲ့ရတဲ့ မြောက်အမေရိကမှာတော့ အနည်းဆုံး ၇ရာခိုင်နှုန်း ကျဆင်းမှုကို တွေ့ရနိုင်ပါတယ်။

 

ဥရောပ အနောက်ပိုင်းမှာ ကြော်ငြာသုံးစွဲမှုက ၁၅ ရာခိုင်နှုန်းကျဆင်းနိုင်ပြီး ဥရောပအလယ်ပိုင်းနှင့်အရှေ့ပိုင်းတို့မှာ ၈ရာခိုင်နှုန်း၊ လက်တင်အမေရိကမှာ ၁၃ရာခိုင်နှုန်း ရှိပြီး အရှေ့အာဖရိကနှင့်မြောက်အာဖရိကတို့မှာ ၂၀ရာခိုင်နှုန်း အသီးသီးကျဆင်းနိုင်ပါတယ်။

 

ကြော်ငြာရှင်တွေက ၎င်းတို့ရဲ့ ဘတ်ဂျက်ပမာဏကို ဒီဂျစ်တယ်လမ်းကြောင်းတွေနဲ့ တိုးမြှင့်လာကြသော်လည်း၊ ဈေးကွက်မှာ စီးပွားရေးကျဆင်းမှုဒဏ်မှ မရုန်းထွက်နိုင်တာကြောင့် ယခုနှစ်မှာ ၂ ရာခိုင်နှုန်းကျဆင်းနိုင်ပါတယ်။

 

သို့သော် Zenithက ၂၀၂၂ ခုနှစ်မှာ ကမ္ဘာလုံးဆိုင်ရာကြော်ငြာသုံးစွဲမှုရဲ့ ၅၄.၆%ကို ဒီဂျစ်တယ်ကဏ္ဍမှ မျှော်လင့်နိုင်လိမ့်မယ်လို့ ခန့်မှန်းပြီး ရှယ်ယာအပြောင်းအလဲကို ဆက်လက်ပြုလုပ်သွားမယ်လို့ ပြောကြားခဲ့ပါတယ်။ ရုပ်မြင်သံကြားနှင့် ရေဒီယိုချန်နယ်တွေကြားမှာ ဒီဂျစ်တယ်ကြော်ငြာတွေက အကောင်းဆုံး ဖျော်ဖြေတင်ဆက်သူဖြစ်လာမှာ ဖြစ်ပြီး ၂၀၂၁ ခုနှစ်မှာ ရုပ်မြင်သံကြား ကဏ္ဍမှာ ၂ရာခိုင်နှုန်း နှင့် ရေဒီယို ကဏ္ဍမှာ ၁ရာခိုင်နှုန်း တိုးတက်လာနိုင်သော်လည်း ယခုနှစ်မှာ ၁၁ ရာခိုင်နှုန်းနှင့် ၁၂ ရာခိုင်နှုန်း အသီးသီးကျဆင်းသွားပါတယ်။

 

ပုံနှိပ်ထုတ်ဝေသူတွေအတွက် ယခုနှစ်မှာ သတင်းစာကြော်ငြာ ၂၁ ရာခိုင်နှုန်းကျဆင်းသွားပြီး မဂ္ဂဇင်းကြော်ငြာ ၂၀ ရာခိုင်နှုန်း ကျဆင်းသွားပါတယ်။ ဒါ့အပြင် ၂၀၂၁ ခုနှစ်မှာ ကဏ္ဍနှစ်ခုလုံး ထပ်မံကျဆင်းသွားနိုင်ပါတယ်။

 

Resource:CampaignAsia

 

 

Read times
Rate this item
(0 votes)