-->
×

Warning

JUser: :_load: Unable to load user with ID: 29


အောင်မြင်သူနှင့် ကျဆုံးသူ

အောင်မြင်သူနှင့် ကျဆုံးသူ Google

အီးပီ(EP)လို့ အတိုကောက် ခေါ်ဝေါ်ကြတဲ့ စိတ်ခံစားမှုဟောကိန်း (Emotional Prediction) စွမ်းရည် ထက်မြက်သူဟာ လူတွေ မျက်နှာမထား တတ်ဘဲ အနေရခက်နေတာကို ပြေပြစ်အောင် ပြောဆိုပြီး အချိတ်အဆက်ပြုတယ်။

စိတ်ထဲ သက်သောင့် သက်သာ ရှိအောင် ပြောဆိုပေးတယ်။
လူတချို့မှာ အခုလို သူတစ်ပါးရဲ့ စိတ်ခံစားမှု ကို သိနိုင်တဲ့ ၀မ်းတွင်းသိ ရှိထားကြတယ်။ လူအများ စုမှာတော့ မရှိကြဘူး အီးပီက နက်နဲတယ်။ ကိုယ့်ရဲ့ စိတ်ခံစားမှုတွေ ဘယ်လို ဖြစ်မလဲဆိုတာကိုတောင် မခန့်မှန်းတတ်ကြဘူး။

ဒီတော့ သူတစ်ပါးအတွက် သိဖို့ဆိုတာ ဝေးရော။
Journal of Personality and Social Psychology မှာ စမ်းသပ်မှုတစ်ခုအကြောင်းဆောင်းပါးတစ်ပုဒ် ဖော်ပြထားတာမှာ ကျောင်းသူကျောင်း သားတွေကို အတန်းတင် စာမေးပွဲကြီး ဖြေရခါနီး တစ်ပတ်အလိုနဲ့ ဖြေဆိုပြီးတဲ့ တစ်ပတ်အတွင်း စိတ် ထဲ ဘယ်လိုနေသလဲ ဆိုတာ ပြောပြခိုင်းတယ်။

အောင်စာရင်း ထွက်ခါနီး တစ်ပတ်အလိုမှာလည်း စိတ်ထဲ ဘယ်လိုနေသလဲဆိုတာ မေးမြန်းတယ်။ အောင်တယ်ဆိုရင် စိတ်ထဲ ဘယ်လို နေမလဲ။ ကျ တယ် ဆိုရင် စိတ်ထဲ ဘယ်လိုနေမလဲ အတိအကျ ပြောပြပါ ဆိုတဲ့မေးခွန်းကို ဖြေဆိုခိုင်းတယ်။

တိတိပပ ဖြေဆိုနိုင်တဲ့သူဦးရေ မဆိုစလောက်ပဲ ရှိတယ်။ မိမိရဲ့ စိတ်ခံစားမှုဆိုင်ရာ တုံ့ပြန်မှုကို ပြောပြနိုင်တဲ့သူ အတော်နည်းပါးပါတယ်။
အီးပီ စွမ်းရည် ကောင်းရင် သူတစ်ပါးတွေရဲ့ စိတ်ထဲ ဘယ်လိုနေမလဲဆိုတာကို သူတို့ ကိုယ့်ကိုယ် ကိုယ် သဘောမပေါက်သေးခင်မှာ သင် သိနေပါလိမ့် မယ်။ အဲဒီလို သိပြီဆိုရင် သူတို့နဲ့ ချိတ်ဆက်လို့ ရ သွားမှာ ဖြစ်ပါတယ်။

လိုက်လျောညီထွေစွာဖြင့်ပေါင်း ဖက်လို့ ရသွားမှာ ဖြစ်ပါတယ်။ ဒီလို ဖြစ်ဖို့အတွက် စီအီးအိုတစ်ယောက် ဖြစ်ဖို့ မလိုပါဘူး။ ဘ၀ရဲ့အမြင့် မားဆုံး ရည်မှန်း ချက်တွေကို အထမြောက်ဖို့အတွက် အီးပီ လိုပါ တယ်။

မိတ်ဆွေတွေရဖို့၊ မေတ္တာကို ရဖို့၊ ပိုကောင်းတဲ့အလုပ်ကို ရဖို့ ၊ လူတွေနဲ့ ပေါင်းသင်းဖို့ အီးပီ လိုပါတယ်။

အီးပီနဲ့ အီးအိုင် ဘာကွာသလဲ
အီးပီဆိုတာ စိတ်ခံစားမှု ဟောကိန်း (Emotio-nal Prediction) ဖြစ်ပြီး အီးအိုင်ဆိုတာ စိတ်ခံစားမှုညဏ်ရည်ညဏ်ကဲ(Emotional Intelligence) ဖြစ် ပါတယ်။
ဒင်နီယယ် ဂိုမင်းက Emotional intelligence ဆိုတဲ့အမည်နဲ့ စာအုပ်ရေးသားပြီး ရှင်းပြခဲ့ပါတယ်။ အီးအိုင်မှာ ပါဝင်နေတာတွေက
(၁)မိမိ၏ စိတ်ခံစားမှုများကို သိခြင်း
(၂)မိမိ၏ စိတ်ခံစားမှုများကို ကိုင်တွယ်လုပ်ကိုင်ပေး
ခြင်း
(၃)ကိုယ့်ကိုယ်ကိုယ် စေ့ဆော်ခြင်း
(၄)သူတစ်ပါးတို့၏ စိတ်ခံစားမှုများကို အသိအမှတ်
ပြုပေးခြင်း
(၅)ပေါင်းသင်းဆက်ဆံရေးကို ကိုင်တွယ်ပေးခြင်း
တို့ ဖြစ်ပါတယ်။ အီးပီဟာ ပေါင်းသင်းဆက်ဆံ ရေးမှာ နောက်ထပ်အလွှာခံတစ်ခု ဖြစ်ပါတယ်။

အီးပီကို ရထားရမယ်ဆိုတဲ့ ရည်မှန်းချက် ရှိနေရမယ်။ တစ်ခုခု လုပ်လိုက်တာ၊ တစ်ခုခု ပြော လိုက်တဲ့အပေါ်မှာ တုံ့ပြန်တဲ့ အနေဖြင့် လူတစ်ဦးရဲ့ စိတ်ထဲ လောလောဆယ်မှာနဲ့ နောက်နောင်မှာ ဘယ်လိုခံစားမှုတွေ ရှိမလဲဆိုတာ ခန့်မှန်းပေးတာ ဖြစ်ပါတယ်။

ပြီးရင် အဲဒီခံစားမှုတွေနဲ့ လိုက်လျောညီ ထွေစွာဖြင့် မိမိရဲ့ အပြုအမူကို ပြုမူပြောဆိုပေးရမှာ ဖြစ်ပါတယ်။ ယုံကြည်စိတ်ချမှုတွေနဲ့အတူ သူတို့ရဲ့ ကိုယ့်ကိုယ်ကိုယ် တန်ဖိုးထားခြင်းနဲ့ သူတို့ကို ဆက် ဆံနိုင်မယ်။ အပြန်အလှန်အားဖြင့် မိမိရဲ့ ကိုယ့်ကိုယ် ကိုယ် ယုံကြည်စိတ်ချမှုတွေ အားတိုးမယ်။ သူတို့ရဲ့ ခင်တွယ်မှုတွေကို ရရှိမယ်။ တခြားသူတွေရဲ့ စိတ် ခံစားမှုတွေကို သိရှိတုံ့ပြန်ပေးတဲ့အကျင့် သင့်ထံမှာ ရှိနေတာကို မကြာခင်မှာ ရရှိလာပါလိမ့်မယ်။ ဒီအခါမှာ ကောင်းကျိုးပြုတဲ့ တုံ့ပြန်ချက်တွေကို လူ တိုင်းထံမှ သင် ရရှိမှာ ဖြစ်ပါတယ်။ အခုလို တုံ့ပြန် ကြတဲ့သူ အများစုဟာ သူတို့ရဲ့ မသိစိတ်ကနေ တုံ့ပြန်ပေး မိကြတာဖြစ်ပါတယ်။ ၀မ်းတွင်းသိကနေ တုံ့ပြန်တာဖြစ်လို့ ဦးနှောက်နဲ့ စဉ်းစားဆင်ခြင်မှုတွေ လုပ်ပြီးမှ တုံ့ပြန်တာမျိုး မဟုတ်ဘူး။ ဒီတော့ မြန်ဆန် ပါတယ်။
မဲကွန် ဂလက်ဝဲရဲ့ ကျကျနန သုတေသနလုပ် ထားတဲ့ Blink လို့ အမည်ပေးထားတဲ့ စာအုပ်မှာ ဒီအခြေခံသဘောတရားကို သက်သေထူပြထားပြီး ရေပန်းစားစေခဲ့ပါတယ်။ မမြင်ရတဲ့ တကယ့်လက် တွေ့အမှန်ကို လူတွေ သံသယကင်းစေခဲ့တဲ့ စာအုပ် ဖြစ်ပါတယ်။ ဒီအခြေခံသဘောတရားက အလှည့် အပြောင်း ဖြစ်အောင် ၀င်ကစားပေးတယ်။

မေတ္တာ တည်တံ့ဖို့ အီးပီဟာ ပဓာနကျတယ်။
တစ်ဦးကို တစ်ဦးက ချစ်ချစ်ခင်ခင်ဖြင့် အတူ တကွ ရှိခဲ့ကြသူတဲ့သူတွေ အတူလက်တွဲပြီး ကုမ္ပဏီ ထူထောင်လုပ်ကိုင်ကြသူတွေ ရှိပါတယ်။ သူတို့ နောက်ဆုံးမှာ တစ်ဦးကို တစ်ဦးက မနှစ်မြို့တဲ့အဖြစ် ကို ရောက်သွားတာ ကျွန်မ မကြာခဏ တွေ့ခဲ့ဖူး ပါတယ်။
လူတွေက သူတို့ရဲ့ ပေါက်ကွဲနိုင်တဲ့ စိတ်ခံစား မှုတွေကို ရင်ဘတ်ထဲမှာ သိမ်းထားကြတော့ စနက် တံတန်းလန်းနဲ့ ဗုံးလို ဖြစ်နေတယ်။ တစ်ရက်မှာတော့ သူက သူ့သဘောနဲ့ချည်း လုပ်နေတယ်လို့ ပြောဆိုမိ ပါတယ်။ အခုလို လက်တွဲထားရတာအတွက် အသာ စံရတာတွေထက် အနာခံရတာတွေက ပိုများနေ တယ်လို့ တွက်ချင့်တယ်။ အဲဒီအခါ လက်တွဲဖော် နှစ်ဦးထဲမှ တစ်ဦးက စနက်တံကို ဆွဲဖြုတ်လိုက်ပါ တော့တယ်။ ပေါက်ကွဲကုန်တယ်။ ထိခိုက်နစ်နာတာ တွေက ပြင်းထန်တယ်။ လက်တွဲဖြုတ်လိုက်ကြတယ်။ စိတ်ကျန်းမာရေးသမားတော်တွေနဲ့ စိတ်ပညာရှင် တွေက သုခ-ဒုက္ခ အခြေခံသဘောတရား(pleasure-pain principle)လို့ အသိအမှတ်ပြုပေးခဲ့တာ ဘီစီ ၃၀၀ ကတည်းက ဖြစ်ပါတယ်။ အဲဒီကိစ္စကို ဂရိ အတွေးအခေါ်သမား အီပီကူးရပ်စ်(Epicurus)က ပေထက်အက္ခရာ တင်ပေးခဲ့ပါတယ်။ စိတ်ပညာ တစ်ခေတ် ပြောင်းစေခဲ့သူ ဆစ်ဂမန် ဖရွိုက်က သူ့ရဲ့ ကျမ်းကြီးကျမ်းခိုင်တွေမှာ ဒီကိစ္စကို ဖော်ပြခဲ့ပါတယ်။ အခုခေတ်မှာတော့ လူအများကို တိုက်တွန်းနှိုးဆော် သူ တိုနီ ရော်ဘင်က သူ့ရဲ့ သီအိုရီကို တင်ပြခဲ့တယ်။ ပျော်ရွှင်သုခဆီကို လူတွေ ပြေးကြတယ်။ ဒုက္ခတွေ ဆီကနေ လူတွေ ထွက်ပြေးကြတယ်တဲ့။
သုခ-ဒုက္ခ အခြေခံသဘောတရားဟာ ကျွန်မ တို့ အားလုံးရဲ့ ပေါင်းသင်းဆက်ဆံရေးအပေါ်အကျိုး သက်ရောက်မှုတွေ ရှိနေပါတယ်။ သင်က တစ်ယောက်ယောက်ကို အမှုမဲ့အမှတ်မဲ့ဖြင့် အနုတ် သဘောဆောင်တဲ့ စိတ်ခံစားမှုတွေ ပေးပေါင်းများ လာရင် သူက သင့်ကို ဖဲကြဉ်ပါလိမ့်မယ်။ သူက သင်နဲ့ တွေ့တိုင်း စိတ်အေးစရာကို ရနေတယ်ဆိုရင် သင့်ကို တလေးတစားနဲ့ ခင်တွယ်ပါလိမ့်မယ်။ တစ်စုံတစ်ယောက်ရဲ့ ဘ၀မှာ သင်ရဲ့ အသေးအမွှား တို့ထိချက် ကလေးတွေ ပေါင်းစုသွားတာ ဖြစ်ပါ တယ်။ ဒီနေရာမှာ မြှောက်လုံးပင့်လုံးတွေ ပြောဆိုဖို့၊ ချီးမွမ်းစကားတွေ ပြောဆိုနေဖို့ ပြောနေတာ မဟုတ်ပါဘူး။
အဲဒါက ဒေးလ် ကားနက်ဂျီရဲ့ လွန်ခဲ့တဲ့ နှစ် ပေါင်း ၇၀ တုန်းကဟာ တွေပါ။ အခုအခါ ဗြောင်ကျ တဲ့ ချီးမွမ်းခြင်းတွေဟာ ခွတီးခွတဖြစ်နေပြီး ပေါ်တင် ကြီး ဖြစ်နေပါတယ်။ လူအများထံမှ လေးစားသမှုနဲ့ ခင်တွယ်မှုတွေ ရရှိဖို့ သူတို့ရဲ့ မနောလိပ်ပြာဆီကို ရောက်တဲ့အထိ တူးဆွဖို့ လိုပါတယ်။ သူတို့ရဲ့ ဆတ်ဆတ်ထိမခံတဲ့ ကိုယ့်ကိုယ်ကိုယ် တန်ဖိုးထား ခြင်းရဲ့ တည်နေရာ၊ အရွယ်အစားနဲ့ ပုံပန်းသဏ္ဌာန် တွေကို သိအောင် လုပ်ရမှာ ဖြစ်ပါတယ်။ အဲဒါတွေ ပြည့်စုံစွာ သိရပြီဆိုရင် သူတို့ရဲ့ စိတ်လှုပ်ရှားခံစား မှုတွေကို တိကျမှန်ကန်စွာဖြင့် ခန့်မှန်းပေးနိုင်မှာ ဖြစ်ပါတယ်။ အဓိပ္ပာယ်ရှိရှိ တုံ့ပြန်ပေးနိုင်မှာဖြစ်ပြီး သူဟာ သင်နဲ့ ချိတ်ဆက်နေတယ်လို့ ခံစားမိစေမှာ ဖြစ်ပါတယ်။
တစ်ဖက်သတ် ကိုယ့်ဖက်ကိုပဲ ကြည့်ပြီး ပြုမူ ပြောဆိုရင်တော့ တစ်ဖက်သားမှာ အပ်ချွန်စူးသလို အသေးအမွှား နာကျင်မှုတွေ ဖြစ်ပေါ်စေပါတယ်။ ဆူးဒဏ်ရာတွေ ကျန်ရစ်စေပါတယ်။ အပ်ဖျားက သေးသေးကလေးဖြစ်ပေမဲ့ သင့်ကို နောက်တစ် ကြိမ်ဆုံချင်တဲ့ ဆန္ဒတွေကို လေပူဖောင်းထဲက လေ တွေ အပ်ဖျားနဲ့ အပေါက်ဖောက်ပြီး ထုတ်လိုက်သလို ပြားချပ်ကုန်ခန်းသွားစေမှာ ဖြစ်ပါတယ်။ သင့်ကို အကူအညီပေးချင်စိတ်တွေလည်း ပြားချပ်ကုန်ခန်း သွားမှာ ဖြစ်ပါတယ်။


WMA

Read times
Rate this item
(7 votes)