စိတ်ပညာရှင်တွေရဲ့ ပြောစကားအရ first impression ဟာအလွန်အရေကြီးပါတယ်။ ဒါပေမဲ့ first impression ဟာ သင်ဘယ်လိုလူမျိုးလည်းဆိုတာနဲ့ လားလားမျှမဆိုင်ပါဘူး။ first impression ဟာ ခန္ဓာကိုယ်ဟန်ပန် အနေအထား၊ ပြုမူနေထိုင်ပုံ တွေနဲ့ပဲသက်ဆိုင်ပါတယ်။ဒီနေ့မှာ kwee ကနေ First Impression ကောင်းစေမဲ့နည်းလမ်းလေးတွေကို ဖော်ပြပေးလိုက်ပါတယ်။
ချက်ခြင်းမပြုံးပါနဲ့
============
လူတစ်ယောက်ကို တွေ့တာနဲ့ ပြုံးပြလိုက်တာက ဆက်ဆံရေးအတွက် ပိုမိုကောင်းမွန်စေတယ်ဆိုတာ လူတွေသိထားကြတယ်။ ဒါပေမဲ့ လူတစ်ယောက်နဲ့တွေ့ပြီဆိုတာနဲ့ အဲ့ဒီလူရဲ့ မျက်နှာကို အရင်ကြည့်ပါ။ ချက်ခြင်းမပြုံးပြလိုက်ပါနဲ့။ ၂-၃ စက္ကန့်လောက်ကြာမှ ပြုံးပြလိုက်တာက အကျိုးသက်ရောက်မူ ပိုရှိစေတယ်လို့ ကျွမ်းကျင်သူတွေက ပြေားထားကြတယ်။
မျက်လုံးခြင်းအကြာကြီး မဆုံမိစေနဲ့
=======================
အမျိုးသားတစ်ယောက်အနေနဲ့ အခြားအမျိုးသားတစ်ယောက်ရဲ့မျက်လုံးကို အကြာကြီးစိုက်ကြည့်နေတာဟာ စိတ်အနှောင့်အယှက်ဖြစ်စေပါတယ်။ကျွမ်းကျင်သူတွေရဲ့အဆိုအရ လူတစ်ယောက်နဲ့တွေဆုံတဲ့အချိန်ရဲ့ ၆၀ ရာခိုင်နှုန်းသာ မျက်လုံးချင်းစုံအောင် ကြည့်သင့်ပါတယ်။ ဒီစည်းကမ်းချက်ဟာ အမျိုးသားအမျိုးသားချင်းတွေမှာတင်မကပဲ အမျိုးသားအမျိုးသမီးတွေ မှာလည်းလည်း သက်ရောက်မူရှိပါတယ်။
ကိုယ်ဟန်အနေအထား
===============
နိူင်ငံခေါင်းဆောင်ကြီးတွေ အောင်မြင်နေတဲ့ အားကစားသမားတွေကို ကြည့်လိုက်ပါ။ သူတို့ ရဲ့ ပခုံးဒါမှမဟုတ် မျက်လုံးကို အောက်ချပြီး ထားတာတွေ့ရမှာမဟုတ်ပါဘူး။ သူတို့ဟာ ကိုယ်ဟန်အနေအထား မှန်မှန်ကန်ကန်နေတတ်ပြီး ပြုံးနေလေ့ရှိကြတယ်။သူတို့ဟာ မိမိကိုယ်ကို ယုံကြည်မူအပြည့်ရှိတတ်ပြီး လူအများကလည်းသူတို့ကို နှစ်သက်ကြပါတယ်။
စိတ်ဝင်စားမူပြပါ
===========
လူစိမ်းတွေနဲ့တွေ့ရတဲ့အခါမှာ လူတိုင်းနီးပါး မိမိကိုယ်ကိုမေးကြတဲ့ မေးခွန်းနှစ်ခုရှိပါတယ်။ “ငါသူတို့ကို ကြိုက်ရဲ့လာ။ သူတို့ကကော ငါ့ကိုကြိုက်ရဲ့လာ။” ဆိုတဲ့မေးခွန်းပါပဲ။တစ်ခြားတစ်ယောက်ဆီက First Impression ကောင်းကောင်းရချင်တယ်ဆိုရင် အဆိုပါလူရဲ့ပြောစကားတွေကို စိတ်ဝင်တစားနာထောင်ပေးလိုက်ပါ။ ဒီလိုမှမဟုတ်ပဲ ကိုယ်ကချည်း စကားတွေပြောနေရင် ဒါမှမဟုတ် စကားလုပြောနေရင် တစ်ခြားလူအမြင်မှာ မောက်မာတဲ့သူ ဖြစ်သွားပါလိမ့်မယ်။တစ်ဖက်လူပြောတာကို စိတ်ဝင်စားကြောင်း ပြုံးတာဖြစ်ဖြစ် သူတို့ဖက်လှည့်ကာ နားထောင်ပေးတာဖြစ်ဖြစ် လုပ်ပြနိူင်ပါတယ်။
