-->
×

Warning

JUser: :_load: Unable to load user with ID: 29


Meta Platforms ရဲ့စီအိုအို Sheryl Sandberg လုပ်သက် ၁၄ နှစ်မှာ နုတ်ထွက်

Meta Platforms ရဲ့စီအိုအို Sheryl Sandberg လုပ်သက် ၁၄ နှစ်မှာ နုတ်ထွက်

Meta Platforms Inc ရဲ့ စီအိုအို  Chief Operating Officer  ဖြစ်သူ Sheryl Sandberg က Facebook အတွက် ကြောငြာစီးပွား မော်ဒယ်ကို တည်ဆောက်ပေးခဲ့သူ ဖြစ်ပြီး Facebook ပူးတွဲထူထောင်သူ Mark Zuckerberg ပြီးရင် ဒုတိယနေရာမှာ ရှိနေသူလည်း ဖြစ်ပါတယ်။ ကမ္ဘာ့အကြီးဆုံး လူမှုကွန်ရက်မှာ စီအိုအိုအဖြစ်လုပ်ကိုင်လာတာ လုပ်သက် ၁၄ နှစ် ရှိချိန်မှာ အလုပ်မှ နုတ်ထွက်ကြောင်း Sheryl Sandberg က  Facebook မှာ ၂၀၂၂ ဇွန်လ ၁ ရက် ဗုဒ္ဓဟူးနေ့မှာ တင်ပြအသိပေးခဲ့ပါတယ်။ 

 

အသိပေးပြီးချိန်မှာ လုပ်ငန်းရဲ့ အစုရှယ်ယာဈေးနှုန်း ၄% ကျဆင်းခဲ့ပြီးနောက် ဈေးငြိမ်သွားခဲ့ပါတယ်။

Meta က ပစ္စည်းထုတ်လုပ်ရောင်းချခြင်းနှင့် "metaverse"ဆီသို့ လမ်းကြောင်းပြောင်းပြီး စူးစိုက်နေချိန်မှာ Ms Sandberg က နုတ်ထွက်လိုက်တာ ဖြစ်ပါတယ်။

"ဒီအလုပ်ကို ကျွန်မ ယူတော့ ဒီ‌ေနရာမှာ ကျွန်မ ၅ နှစ်လုပ်မယ်လို့ စိတ်ကူးထားခဲ့တယ်။ ၁၄ နှစ် ကြာပြီးချိန်မှာ ကျွန်မဘဝရဲ့ နောက်တစ်ခန်းကို ကျွန်မ ရေးရမယ့် အချိန်ကျရောက်နေပါပြီ" လို့ Ms Sandberg က ဆိုပါတယ်။

Ms Sandberg ရဲ့နေရာကို Chief Growth Officer Javier Olivan က တာဝန်ယူမယ်လို့ Ms Sandberg က ဆိုပါတယ်။

Mr Olivan ကလည်း Meta မှာ လုပ်သက် ၁၄ နှစ်ကျော် ရှိသူဖြစ်ပြီး  Facebook, Instagram, WhatsApp , Messenger အဖွဲ့များကို ဦးဆောင်ဦးရွက်ပြုခဲ့သူ ဖြစ်ပါတယ်။

Ms Sandberg က အလုပ်ကနုတ်ထွက်ပြီးနောက် Meta Platforms Inc ရဲ့ ဒါရိုက်တာအဖွဲ့မှာ ဆက်လက်လုပ်ကိုင်မယ်လို့ ဆိုပါတယ်။

MyanmarAdvertisingGuide 

Read times
Rate this item
(0 votes)