Facebook ဟာ Instagram နဲ့ တွဲဖက်အသုံးပြုနိုင်မယ့် သုံးစွဲသူတွေနဲ့ အရင်းနှီးဆုံးသူငယ်ချင်းတွေအကြား ပိုမိုရင်းနှီးမှုရစေမယ့်အရာတွေ ဝေမျှနိုင်ဖို့ Threads အမည်ရ app ကိုဖန်တီးနေပါတယ်။
Threads ဟာ သူငယ်ချင်းတွေနဲ့ တည်နေရာ၊ အင်တာနက်မြန်နှုန်းနဲ့ ဘက်ထရီပမာဏကို အလိုအလျောက်ဝေမျှပေးပြီး စာသား၊ ဓာတ်ပုံနဲ့ဗီဒီယို message တွေကို Instagram ရဲ့ tool တွေနဲ့ သုံးစွဲနိုင်ပါတယ်။ Instagram ပေါ်က close friends စာရင်းနဲ့အတူ ဝေမျှနိုင်အောင် ပြုလုပ်ထားပြီး Facebook အတွင်းမှာ စမ်းသပ်နေတယ်လို့ သိရပါတယ်။
မေလမှာ Instagram ကသီးသန့် app Direct ကို ဆက်လက်လုပ်ကိုင်မှုကို ရပ်တန့်လိုက်ပါတယ်။ အစောပိုင်း beta စမ်းသပ်သူတွက Instagram နဲ့ ဒုတိမြောက် app အကြား ပြောင်းလဲသုံးစွဲမှုကို စိတ်ပျက်ခဲ့ကြတယ်လို့ အမှုဆောင်တွေက ပြောခဲ့ပါတယ်။ ဒါပေမဲ့ ကုမ္ပဏီအနေနဲ့ messaging app အသစ်ကို တည်ဆောက်ဖို့ ဆက်လက်စိတ်ဝင်စားတယ်လို့ ပြောခဲ့ကြပါတယ်။ Messaging app လုပ်ခဲ့တဲ့ Instagram ဝန်ထမ်းတွေကလည်း ဒီနှစ်အစောပိုင်းမှာ Facebook Messenger အဖွဲ့ထဲ ရွှေ့ပြောင်းခဲ့ကြပါတယ်။ ကုမ္ပဏီ ၂ ခု အကြားက ကျစ်လျစ်စေမယ့် ပေါင်းစည်းမှုဖြစ်လာပါတယ်။
Internet Advertising Agencies(အင်တာနက်ကြော်ငြာအေဂျင်စီလုပ်ငန်းများ(၄၉)ခုကိုရှာရန်နှိပ်ပါ။)
အရင်းနှီးဆုံး သူငယ်ချင်းတွေအကြား အသုံးပြုနိုင်မယ့် messaging app တည်ဆောက်မှုက ရေပန်းစားလာနိုင်ပါတယ်။ Snapchat ကလည်း သုံးစွဲသူတချို့အတွက် အလားတူ feature တွေပြုလုပ်ပေးထားပါတယ်။ သတင်းတွေရဲ့ဖော်ပြချက်အရ Snapchat သုံးစွဲသူတွေက Instagram သုံးစွဲသူတွေထက် app ထဲမှာ အချိန်ကို ပိုမိုအသုံးချကြပါတယ်။ Facebook နဲ့ Instagram က Snapchat ရဲ့လူငယ်သုံးစွဲသူတွေကို အလိုရှိနေပါတယ်။ Threads အနေနဲ့ အဲဒီဈေးကွက်ကို ဖြည့်ဆည်းပေးလာနိုင်ပါတယ်။
Read More>>> ဆိုရှယ်မီဒီယာနဲ့လုပ်ငန်းတွဲလုပ်ခဲ့လို့ ရရှိလာတဲ့အောင်မြင်မှုရာခိုင်နှုန်းများ
Credit; Internet Journal
