ကားထုတ်လုပ်သူလောကမှာ နာမည်ဂုဏ်သတင်းက အရေးပါပါတယ်။ ကားနာမည်အရ ကားအတန်းအစားကို ခွဲခြားပြီး မှတ်သားထားကြပါတယ်။
ကားဈေးနှုန်းကိုလည်း ကားအမည်အရ မှတ်သားထားကြပါတယ်။ ဘယ်နာမည်က လူလတ်တန်းစား စီးတဲ့ကားတွေ ထုတ်လုပ်တယ်။ ဘယ်နာမည်က အထက်တန်းစားတွေစီးတဲ့ကားတွေ ထုတ်လုပ်တယ်။ ဘယ်နာမည်က အိမ်စီး ပြိုင်ကား အပျံစားတွေကို ထုတ်လုပ်တယ် စသဖြင့် မှတ်သားထားကြပါတယ်။
အရင်တုန်းကတော့ မှတ်သားထိုက်အောင် ကွဲကွဲပြားပြား ရှိကြပါတယ်။ တသီးတခြားစီ ထုတ်လုပ်ခဲ့ကြပါတယ်။ အခုခေတ်မှာတော့ ကား လုပ်ငန်းကြီးတွေဟာ လက်သင့်ရာ လုပ်ငန်းချင်း ပူးပေါင်းပြီး ကားတွေ ထုတ်လုပ်နေကြပါပြီ။ နည်းပညာအရ ပူးပေါင်းတာ ရှိတယ်။ ငွေကြေးအရ ပူးပေါင်းတာ ရှိတယ်။ နှစ်မျိုးစလုံးနဲ့ ပူးပေါင်းတာ ရှိတယ်။
ကားနာမည်တွေက နှင်းဆီတွေဆိုရင် တချို့နှင်းဆီတွေက ပိုမွှေးတဲ့ ဂုဏ်သတင်း ရှိကြတာကြောင့် ဈေးပိုမြင့်ကြတယ်။ နာမည်အစွဲ လူထုကြားမှာ ရှိနေကြတာကြောင့် ဈေးပိုပေးရတာကို မနှမြောကြတဲ့အပြင် ဂုဏ်တောင်ယူလိုက်ကြပါသေးတယ်။ အဲဒီအထာကို ကားထုတ်လုပ်တဲ့ လုပ်ငန်းတွေက အသုံးချနေကြပါတယ်။ ကားက အတူတူ ဖြစ်ပေမဲ့ တပ်လိုက်တဲ့ တံဆိပ်အမည်အရ ဈေးကွာတာကြောင့် ဈေးသက်သာတဲ့ တံဆိပ်အမည်ဖြင့် ထုတ်လုပ်တဲ့အပြင် ဈေးကြီးပေးရတဲ့ တံဆိပ်အမည် တပ်ပြီးတော့လည်း ထုတ်လုပ်ကြပါတယ်။
ကားထုတ်လုပ်တဲ့အခါ အစိတ်အပိုင်းတွေကို တစ်ခုပြီးတစ်ခု စီတန်းပြီး တပ်ဆင်ပါတယ်။ အဲဒီလို တပ်ဆင်တဲ့ လိုင်းကို ပလက်ဖောင်းလို့ ခေါ်ကြပါတယ်။ ခုနကပြောတဲ့ ကားကအတူတူ တံဆိပ်သာကွဲတဲ့ကားတွေကို ထုတ်လုပ်တဲ့အခါ တပ်ဆင်ထုတ်လုပ်တဲ့ ပလက်ဖောင်းက အတူတူပါပဲ။ ဈေးသက်သာတဲ့ တံဆိပ်အမည်နဲ့ ကားတွေကိုလည်း ဒီစက်ရုံက ဒီပလက်ဖောင်းမှာပဲ ထုတ်တယ်။ ဈေးကြီးတဲ့ တံဆိပ်အမည်နဲ့ ကားတွေကိုလည်း ဒီစက်ရုံရဲ့ ပလက်ဖောင်းမှာပဲ တပ်ဆင် ထုတ်လုပ်ပါတယ်။ အဲဒီလို လုပ်တာကို ကားထုတ်လုပ်သူတွေက ပလက်ဖောင်း ဝေမျှသုံးစွဲခြင်း (platform share) လို့ ပြောဆိုသုံးနှုန်းကြပါတယ်။ ဒီတော့ ဒီဇိုင်းထုတ်ပေးကြရသူတွေက ကားနှစ်မျိုးစလုံး ပလက်ဖောင်းတစ်ခုတည်းမှာ ထုတ်လုပ်လို့ရအောင် ဒီဇိုင်းထုတ်ပေးထားကြရပါတယ်။ ဒီတော့ ကားနှစ်မျိုးစလုံးဟာ အားလုံးနီးပါး တူနေအောင် လုပ်ပေးထားပြီး အမြင်မှာ ကွဲအောင်သာ ဒီဇိုင်းထုတ်ပေးကြရပါတယ်။ ဥပမာအားဖြင့် ရှေ့မီးကြီး မီးခွက်ပုံစံတွေကို ကွဲပြားခြားနား အောင် လုပ်ပေးထားလိုက်ကြတယ်။ ကားနောက်ဖုံး ချိုးပုံကို နည်းနည်းကွဲအောင် လုပ်ထားလိုက်ကြတယ်။
တကယ်တော့ ပလက်ဖောင်းဝေမျှသုံးစွဲပြီး ထုတ်လုပ်တဲ့ကားနှစ်မျိုးဟာ ထုတ်လုပ်တဲ့လိုင်းသာမက လုပ်ကိုင်ပေးကြတဲ့ လုပ်သားတွေကအစ အတူတူပါပဲ။ ဒါပေမဲ့ ကားရှေ့ဘက် ရှဲလ်မှာ တပ်ဆင်လိုက်တဲ့ တံဆိပ်အမည် ကွာခြားနေတာကြောင့် ရောင်းချတဲ့ ဈေးနှုန်းနှစ်ခုက အကွာကြီး ကွာသွားပါတယ်။
သာဓကတစ်ခုကို တင်ပြလိုပါတယ်။ အိမ်စီး ပြိုင်ကား brand တစ်ခုဖြစ်တဲ့ Aston Martin Cygnet၏ ရဲ့ အခြေခံရောင်းဈေးနှုန်းက အမေရိကန်ဒေါ်လာ လေးသောင်းခွဲဖြစ်ပါတယ်။ အဲဒီကားကို တိုယိုတာမှ ထုတ်လုပ်ပေးတဲ့ ယာဉ်အစိတ်အပိုင်းတွေနဲ့ တပ်ဆင်ထုတ်လုပ်ထားပါတယ်။ အင်ဂျင်၊ ဂီယာဘောက်စ် စတာတွေကအစ တိုယိုတာက ထုတ်လုပ်ပေးထားပါတယ်။ တိုယိုတာကား တပ်ဆင်ထုတ်လုပ်တဲ့ ပလက်ဖောင်းမှာပဲ တပ်ဆင်ထုတ်လုပ်ထားပါတယ်။ တပ်ဆင်ပေးတဲ့ လုပ်သားတွေကလည်း တိုယိုတာကားတွေ ထုတ်လုပ်ရင် လုပ်ကိုင်ပေးကြတဲ့ လုပ်သားတွေ ဖြစ်ပါတယ်။ အဲဒီပလက်ဖောင်းမှာပဲ အလားတူကားကို တပ်ဆင်ပြီး တိုယိုတာ တံဆိပ်အမည်တပ်ဆင်ကာ ထုတ်လုပ်ပါတယ်။ အဲဒီလို တိုယိုတာတံဆိပ်အမည်တပ်ဆင်ထားတဲ့ကားကျတော့ အခြေခံရောင်းဈေးနှုန်းက အမေရိကန်ဒေါ်လာ တစ်သောင်း ခုနစ်ထောင်အောက်မှာပဲ ရှိပါတယ်။ ဒီတော့ ပန်းသီးချင်းအတူတူ ကပ်ထားတဲ့တံဆိပ်ကြောင့် ဈေးကွာနေသလို ဖြစ်နေပါတယ်။ ကွာတာမှ အမေရိကန်ဒေါ်လာ သုံးသောင်းနီးပါး ကွာနေတယ်။ တိုယိုတာရဲ့ နည်းပညာ၊ တိုယိုတာရဲ့ စက်ရုံ၊ တိုယိုတာရဲ့ အင်ဂျင်နီယာပညာတို့ဖြင့် ထုတ်လုပ်ထားတဲ့ မည်ကာမတ္တ Aston Martin Cygnet ကို တိုယိုတာကားထက် ဈေးနှစ်ဆမက သုံးဆနီးပါး ပိုပေးပြီး ၀ယ်စီးကြတယ်။ ဘာလို့လဲဆိုတော့ Aston Martin Cygnet ဆိုတဲ့ brand ရဲ့ ဂုဏ်ကို မက်လို့ ဖြစ်ပါတယ်။ ခေတ်အဆက်ဆက်မှာ Aston Martin က ဈေးကြီးတဲ့ကားဆိုပြီး ဂုဏ်ရှိထားလို့ ဖြစ်ပါတယ်။
တကယ်ကို နာမည်ကို မက်လို့ ၀ယ်စီးနေကြတာ ဖြစ်ပါတယ်။ Cygnet က ထည်ဝါသလားဆိုတော့ မထည်ဝါပါဘူး။ ကားအသေးစား တန်းဝင်ကားမျိုးသာ ဖြစ်ပါတယ်။ ဥရောပမှာ ကားကထွက်တဲ့ မီးခိုးကို လေထုညစ်ညမ်းမှု အနည်းဆုံး ဖြစ်အောင် ထိန်းချုပ်ပေးဖို့ ပြဋ္ဌာန်း ထားတာကြောင့် အဲဒီပြဋ္ဌာန်းချက်နဲ့ ကိုက်ညီမယ့် အင်ဂျင်အမျိုးအစားကို ရွေးချယ်တဲ့အခါ တိုယိုတာရဲ့ အသေးစားအင်ဂျင်က လျော်ကန်သင့်မြတ်နေတာကြောင့် တိုယိုတာရဲ့ ပစ္စည်းတွေနဲ့ပဲ ထုတ်လုပ်ဖို့ ရွေးချယ်ဆုံးဖြတ်ခဲ့တာ ဖြစ်ပါတယ်။
အခုလို တံဆိပ်အမည်ပြောင်းလဲတပ်ဆင်ပြီး ထုတ်လုပ်တဲ့ နည်းပညာကို ကားထုတ်လုပ်သူတွေ သုံးစွဲနေကြပါတယ်။ တချို့က တခြားကား ထုတ်လုပ်တဲ့လုပ်ငန်းရဲ့ အမည်တံဆိပ်ဖြင့် တပ်ဆင်ပြီး ထုတ်လုပ်ကြတယ်။ တချို့ကျတော့ ကိုယ် ပျိုးထောင်ပြီး မြေတောင်မြှောက်ပေးထားတဲ့ တံဆိပ်ကိုပဲ ပြောင်းလဲတပ်ဆင်ပြီး ထုတ်လုပ်ကြပါတယ်။ GM လို့ အတိုကောက်အားဖြင့် လူသိများတဲ့ General Motors က ၄ဘီးယက် Chevrolet Tahoe ကို ၂၀၁၂ခုနှစ်မှာ အမေရိကန် ကားဈေးကွက်မှာ အမေရိကန် ဒေါ်လာ လေးသောင်း သုံးထောင်ကျော်ဖြင့် ရောင်းချပါတယ်။ အဲဒီကားကိုပဲ အဲဒီ ၂၀၁၂ခုနှစ်မှာ ဂျီအမ်မှာ ရှိနေတဲ့ နောက်ထပ် တံဆိပ်အမည်ဖြစ်တဲ့ GMC Yukon တပ်ပြီး ရောင်းချတဲ့အခါ အမေရိကန်ဒေါ်လာ လေးသောင်းခွဲကျော်ဖြင့် ရောင်းချပါတယ်။
အခုလို လုပ်ကိုင်တဲ့ နည်းလမ်းကို လို့ တံဆိပ်ကပ်အင်ဂျင်နီယာပညာ Badge engineering ခေါ်ဝေါ်ကြပါတယ်။ ဖို့ဒ်နဲ့ ခရိုင်စလာတို့မှာလည်း အလားတူ တံဆိပ်ကပ်အင်ဂျင်နီယာပညာဖြင့် ထုတ်လုပ်ထားတဲ့ မော်ဒယ်တွေ ရှိကြပါတယ်။ ဂျပန်ကားလုပ်ငန်းတွေမှာလည်း ရှိကြပါတယ်။ ဂျာမန်ကားလုပ်ငန်းတွေလည်း မကင်းကြပါဘူး။
ရောင်းချတဲ့ ဈေးကွက်အရ အမည်ခွဲခြားပြီး ပေးလိုက်တာမျိုးလည်း ရှိပါတယ်။ ဂျပန်ကားလုပ်ငန်းတွေက ပြည်တွင်းဈေးကွက်မှာ မော်ဒယ်နာမည်တစ်မျိုး၊ အမေရိကန်ဈေးကွက်မှာ မော်ဒယ်နာမည်တစ်မျိုးထားပြီး ထုတ်လုပ်တဲ့ အလေ့အထ ရှိကြပါတယ်။ ကိုယ်ဝယ်စီးဖို့ ရည်ရွယ်တဲ့ကား မော်ဒယ်အမည်ဖြင့် ၀ီကီပီးဒီးယားမှာ ရှာဖွေဖတ်ရှုပြီး အခြားအမည်ကွဲရှိမရှိကို သိနိုင်ပြီး ရှိနေရင် ဘယ်အမည်နဲ့ တံဆိပ်တပ်ပြီး ထုတ်လုပ်ရောင်းချနေတယ်ဆိုတာကို သိနိုင်ပါတယ်။
မိခင်ကုမ္ပဏီ တစ်ခုတည်း ဖြစ်သွားကြပြီးတဲ့နောက်မှာ မိခင်ကုမ္ပဏီရဲ့ စီမံမှုအရ အကုန်အကျသက်သာအောင် ကားတစ်မျိုးတည်းကို ဒီဇိုင်းထုတ်ပြီး ကုမ္ပဏီနှစ်ခုက တစ်ချိန်တည်းမှာ အပြိုင်ထုတ်လုပ်ပြီး ရောင်းချကြတာမျိုးတွေလည်း ရှိကြပါတယ်။
အခုလို လုပ်ကိုင်တာဟာ အဓွန့်ရှည်ကြာ အကုန်ခံပြီး ထူထောင်ထားတဲ့ အမှတ်တံဆိပ် brand တစ်ခုကို အသုံးပြုပြီါ် အမြတ်ထုတ်ကြတဲ့ နည်းလမ်းတစ်သွယ် ဖြစ်ပါတယ်။
