-->
×

Warning

JUser: :_load: Unable to load user with ID: 29


ကိုယ်သဘောကျတဲ့အရာတွေကိုပဲ စွန့််ဦးတီထွင်ပါ

ကိုယ်သဘောကျတဲ့အရာတွေကိုပဲ စွန့််ဦးတီထွင်ပါ Google

ယနေ့ခေတ်ကြီးမှာ အလုပ်အကိုင်အခွင့်အလမ်းတွေဟာ အရမ်းကိုများလာပါပြီ။

ဒါပေမယ့် ကိုယ်ကသူများရဲ့အလုပ်မှာ ဝန်ထမ်းဘဝနဲ့အလုပ်မလုပ်ချင်ဘူး။ ကိုယ်ပိုင်လုပ်ငန်းပဲထောင်မယ်ဆိုပြီး စိတ်ကူးထားတယ်ပေါ့။ အဲဒီလိုစိတ်ကူးရှိလို့ ဘွဲ့ရထားမှဖြစ်မယ်၊ ပညာတတ်မှဖြစ်မယ်လို့ တထစ်ချတည်းမတွေးပါနဲ့တော့။ ကမ္ဘာ့နာမည်ကြီး စွန့်ဦးတီထွင်သူတွေထဲမှာတောင် ကျောင်းမပြီးတဲ့သူတွေ အများကြီးရှိပါတယ်။ စွန့်ဦးတီထွင်သူတစ်ယောက်ဖြစ်ဖို့အတွက် ဘွဲ့ရဖို့ထက်ပိုအရေးကြီးတာတွေရှိနေပါတယ်။ ဒီအချက်တွေကို အောက်မှာဖော်ပြပေးလိုက်ပါတယ်။


(၁) ခါတိုင်းလုပ်နေကျထက် နှစ်ဆလုပ်ပါ။

ဘယ်အရာမဆို ကြိုးစားချင်စိတ်ရှိရင် ဖြစ်ကိုဖြစ်ပါတယ်။ စွန့်ဦးတီထွင်သူဖြစ်ချင်တယ်မလား။ အလုပ်ကိုခါတိုင်းလုပ်နေကျနှုန်းတဲ့ နှစ်ဆလုပ် ၊ သုံးဆလုပ်။ စွန့်ဦးတီထွင်သူတွေက သူတို့လုပ်ငန်းမအောင်မြင်ခင်မှာ အချိန်တွေအများကြီး ပေးဆပ်ကြတယ်။ အလုပ်ကလွဲရင် ကျန်တာဘာမှဂရုမစိုက်တော့လောက်တဲ့အထိ အလုပ်ကိုရေကုန်ရေခမ်းလုပ်တယ်။ ကိုယ်ကလည်း စွန့်ဦးတီထွင်သူဖြစ်ချင်တယ်ဆိုရင် အလုပ်ကိုကြိုးစားလုပ်ရမယ်။


(၂) ကြောက်စိတ်တွေကို ဖျောက်ပြီးစွန့်စားပါ။

ဘယ်အရာမဆို ပထမစစလုပ်တဲ့အချိန်မှာ တစ်ခါတည်း အောင်မြင်သွားတယ်ဆိုတာ မရှိပါဘူး။ စစချင်းမှာ မှားသွားတာတွေရှိမယ်။ ကျရှုံးတာတွေရှိမယ်။ ဒါတွေကိုကြောက်လို့ မစမ်းသပ်တော့ဘူးဆိုရင် ဘယ်တော့မှ စွန့်ဦးတီထွင်သူဖြစ်လာမှာမဟုတ်ပါဘူး။

(၃) Backup Plan မထားပါနဲ့။

စွန့်ဦးတီထွင်သူဖြစ်ချင်ရင် အဓိကအချက်က Backup Plan မထားဖို့ပါပဲ။ ဘာလို့လဲဆိုတော့ ဒါသာအလုပ်မဖြစ်ရင် ဒီလိုလုပ်မယ်ဆိုတဲ့ အတွေးတွေထားတာက ကိုယ့်ကိုနောက်ပြန်ဆွဲထားသလိုဖြစ်တယ် ၊ ကိုယ်လုပ်နိုင်တယ်ဆိုတာကို အပြည့်အဝယုံကြည်စိတ် လျော့ကျစေတယ်။ စွန့်ဦးတီထွင်သူဖြစ်ချင်တယ်ဆိုရင် လူရောစိတ်ရောအပြည့်အဝမြှုပ်နှံရမှာပါ။

(၄) လိုက်လျောညီထွေစွာ ပေါင်းသင်းဆက်ဆံပါ။

စွန့်ဦးတီထွင်သူဖြစ်ပြီး ကိုယ်ပိုင်လုပ်ငန်းတစ်ခုတည်ထောင်မယ်ဆိုရင် ကိုယ့်လုပ်ငန်းလူသိလာအောင် ကိုယ်သိတဲ့သူတွေနဲ့ရော မသိတဲ့သူတွေနဲ့ရော စကားပြောဆက်ဆံရမှာပါ။ အဲဒီအချိန်မှာ ပင်ကိုယ်ကအေးအေးနေတတ်တယ်ဆိုရင်တောင် ကိုယ့်ရဲ့ဗီဇကိုပြောင်းသင့်ရင်ပြောင်းတာတို့ လုပ်ရမှာပါ။ ဒါကြောင့် လူတိုင်းနဲ့ပေါင်းသင်းဆက်ဆံတတ်အောင် လေ့ကျင့်ထားရမယ်။

Read More>>>သင့်ရဲ့လုပ်ငန်းကို Website Marketing သုံးပြီး ကြော်ငြာသင့်တဲ့အကြောင်းအရင်း

(၅) ဗဟုသုတစုံလင်တဲ့သူဖြစ်အောင်လုပ်ပါ။

စွန့်ဦးတီထွင်သူဆိုတဲ့အတိုင်း ကိုယ်ကအရာရာကိုသိနေရင်ပိုပြီးတော့ ထူးခြားတဲ့၊ ပိုကောင်းတဲ့လုပ်ငန်းမျိုးကို တည်ထောင်နိုင်မယ်။ တကယ်လို့ ကိုယ့်မှာကိုယ်ပိုင်လုပ်ငန်းရှိနေပြီဆိုရင်လည်း ကိုယ့်လုပ်ငန်းကို ဒီထက်ပိုပြီးတိုးတက်အောင်၊ လူကြိုက်များအောင်လုပ်ရမှာဖြစ်လို့ အမြဲဗဟုသုတစုံလင်တဲ့သူဖြစ်အောင် လုပ်ရပါမယ်။

(၆) အရေးကြီးတာတွေအတွက်ပဲ အချိန်ပေးပါ။

ဒါကအောင်မြင်တဲ့သူတိုင်း သိထားတဲ့အချက်ပါ။ အရာရာကိုလိုက်ပြီးစိတ်ပူနေရရင် အလုပ်တွင်မှာမဟုတ်ပါဘူး။ အရေးကြီးတဲ့အချက်တွေကိုပဲ စိတ်ထဲမှာထားဖို့က စွန့်ဦးတီထွင်သူတစ်ယောက်ရဲ့ လိုအပ်ချက်တစ်ခုပါပဲ။

(၇) လုပ်ပြီးတာတွေအတွက် နောင်တမရပါနဲ့။

လုပ်ငန်းတစ်ခုကို တည်ထောင်တဲ့အခါမှာ အလွဲတွေအမှားတွေ၊ ကျရှုံးမှုတွေရှိကိုရှိမှာပါ။ အဲဒီလိုတွေဖြစ်ရင် ကိုယ့်ရဲ့အမှားကနေသင်ယူပြီး ရှေ့ဆက်ရမှာပါ။ ဒီအမှားကိုတသသနဲ့ နောင်တတွေရနေရင်တော့ အဆင်ပြေမှာမဟုတ်ပါဘူး။

နောက်ဆုံးအနေနဲ့ကတော့ ကိုယ်လုပ်တဲ့အရာကို ကိုယ်ချစ်ဖို့ပါပဲ။ ဘယ်အရာမဆို ကိုယ်ကြိုက်တာကိုလုပ်မှ ကိုယ်လည်းပျော်မှာလေ။ လောကကြီးမှာ ဘယ်အရာကမှ ပျော်ရွှင်မှုကို မလဲနိုင်ပါဘူး။ ဒါကြောင့် စွန့်ဦးတီထွင်သူတစ်ယောက်ဖြစ်ချင်တယ်ဆိုရင်တောင် ကိုယ်သဘောကျတဲ့အရာကိုပဲ စွန့်ဦးတီထွင်ပါလို့ပြောချင်ပါတယ်။

Ref; Piki(Akhayar)

 

Read times
Rate this item
(0 votes)