ESPORTS ထဲကို မောင်းဝင်လိုက်တဲ့ BMW

BMW က နိုင်ငံတကာ ဂိမ်းလောကမှ အထင်ကရ ဂိမ်းအဖွဲ့အစည်း ၅ ခုနဲ့ တရားဝင် အတူလက်တွဲ လိုက်ပြီ ဖြစ်ပါတယ်။

သူ့ရဲ့ ဈေးကွက်ဖော်ဆောင်ရေး ကမ္ဘာ့ မဟာဗျူဟာမှာ ဆိုရှယ်မီဒီယာ ပလက်ဖောင်းတွေမှာ ပါဝင်လှုပ်ရှားမှုတွေ တိုးမြှင့်နေချိန်မှာ ဂိမ်းလောကထဲကိုပါ မာကက်တင်း အသုံးစရိတ် သတ်မှတ်ပေးပြီး ယခုလို ဝင်ရောက်လိုက်တာ ဖြစ်ပါတယ်။

ဂျာမန်ကားထုတ်လုပ်သူ BMW က esports လောကထဲ မောင်းဝင်လိုက်တဲ့အခါ
အမေရိကန်မှ Cloud9
တရုတ်မှ FunPlus Phoneix
ယူကေမှ Fnatic
ဂျာမနီမှ G2 Esports
တောင်ကိုရီးယားမှ SK Telecom ဂိမ်းအဖွဲ့အစည်း ၅ ခုနဲ့ လက်တွဲလိုက်ကြောင်း ထုတ်ပြန်ကြေညာ ပါတယ်။ DOTA 2, Fortnite, FIFA, နဲ့ League of Legends တံခွန်စိုက် ပြိုင်ပွဲတွေမှာ ပိုမို ပါဝင်ပတ်သက်သွားမှာဖြစ်ပါတယ်။

အဲဒီဂိမ်း အဖွဲ့အစည်းတွေမှာ follower ၈သန်းဝန်းကျင် ရှိနေပါတယ်။ အများစုဟာ အမာခံ ပရိသတ်တွေ ဖြစ်ပါတယ်။ မီဒီယာ ပလက်ဖောင်းတွေ ဖြစ်ကြတဲ့ Instagram, YouTube, Twitter, Twitch တို့မှာ ဖြန့်ကျက်ထားပြီး အဲဒီ မီဒီယာ ပလက်ဖောင်းတွေပေါ်မှာ BMW ရရှိထားတဲ့ follower ဦးရေ စုစုပေါင်းရဲ့ ၁၁ ဆ ရှိပါတယ်။

အခုလို ဂိမ်းအဖွဲ့အစည်းတွေနဲ့ သဘောတူညီချက်တွေ ရယူခဲ့တာအတွက် မားကက်တင်း ဘတ်ဂျက် ဘယ်ရွေ့ဘယ်မျှ သုံးစွဲသလဲဆိုတာ လောလောဆယ်မှာ ထုတ်ပြန်ကြေညာခြင်း မပြုသေးပါ။

talkesport.com

ESPORTS ထဲကို ေမာင္းဝင္လိုက္တဲ့ BMW

BMW က ႏိုင္ငံတကာ ဂိမ္းေလာကမွ အထင္ကရ ဂိမ္းအဖြဲ႕အစည္း ၅ ခုနဲ႔ တရားဝင္ အတူလက္တြဲ လိုက္ၿပီ ျဖစ္ပါတယ္။ သူ႔ရဲ႕ ေဈးကြက္ေဖာ္ေဆာင္ေရး ကမာၻ႔ မဟာဗ်ဴဟာမွာ ဆိုရွယ္မီဒီယာ ပလက္ေဖာင္းေတြမွာ ပါဝင္လႈပ္ရွားမႈေတြ တိုးျမႇင့္ေနခ်ိန္မွာ ဂိမ္းေလာကထဲကိုပါ မာကက္တင္း အသုံးစရိတ္ သတ္မွတ္ေပးၿပီး ယခုလို ဝင္ေရာက္လိုက္တာ ျဖစ္ပါတယ္။

ဂ်ာမန္ကားထုတ္လုပ္သူ BMW က esports ေလာကထဲ ေမာင္းဝင္လိုက္တဲ့အခါ
အေမရိကန္မွ Cloud9
တ႐ုတ္မွ FunPlus Phoneix
ယူေကမွ Fnatic
ဂ်ာမနီမွ G2 Esports
ေတာင္ကိုရီးယားမွ SK Telecom ဂိမ္းအဖြဲ႕အစည္း ၅ ခုနဲ႔ လက္တြဲလိုက္ေၾကာင္း ထုတ္ျပန္ေၾကညာ ပါတယ္။ DOTA 2, Fortnite, FIFA, နဲ႔ League of Legends တံခြန္စိုက္ ၿပိဳင္ပြဲေတြမွာ ပိုမို ပါဝင္ပတ္သက္သြားမွာျဖစ္ပါတယ္။

အဲဒီဂိမ္း အဖြဲ႕အစည္းေတြမွာ follower ၈သန္းဝန္းက်င္ ရွိေနပါတယ္။ အမ်ားစုဟာ အမာခံ ပရိသတ္ေတြ ျဖစ္ပါတယ္။ မီဒီယာ ပလက္ေဖာင္းေတြ ျဖစ္ၾကတဲ့ Instagram, YouTube, Twitter, Twitch တို႔မွာ ျဖန႔္က်က္ထားၿပီး အဲဒီ မီဒီယာ ပလက္ေဖာင္းေတြေပၚမွာ BMW ရရွိထားတဲ့ follower ဦးေရ စုစုေပါင္းရဲ႕ ၁၁ ဆ ရွိပါတယ္။

အခုလို ဂိမ္းအဖြဲ႕အစည္းေတြနဲ႔ သေဘာတူညီခ်က္ေတြ ရယူခဲ့တာအတြက္ မားကက္တင္း ဘတ္ဂ်က္ ဘယ္ေ႐ြ႕ဘယ္မွ် သုံးစြဲသလဲဆိုတာ ေလာေလာဆယ္မွာ ထုတ္ျပန္ေၾကညာျခင္း မျပဳေသးပါ။

talkesport.com