နာမည်ကြီး Whatsapp အပလီကေးရှင်းကို တီထွင်ခဲ့တဲ့ Jan Koum ဆိုတာ တစ်ချိန်က Facebook ကနေ အလုပ်ခန့်ဖို့ ငြင်းဆိုတာကိုခံခဲ့ရတဲ့သူပါ။
သူ ၁၆ နှစ်မှာ အမေရိကားကို သူရယ်၊ သူ့အမေရယ်၊ သူ့အဖွားရယ် ဥရောပကနေပြီး ပြောင်းလာခဲ့ကြပါတယ်။ Jan ရဲ့ အမေက ကယ်လီဖိုးနီးယားမှာ ကလေးထိန်းအလုပ်ကိုလုပ်ခဲ့ပြီး Jan ကတော့ ကျောင်းတက်ရင်းနဲ့ကုန်စုံဆိုင်မှာ ကြမ်းတွေတိုက်ခဲ့ရတယ်။ Jan ရဲ့အဖေကလည်း သူ့အမေနဲ့သူတို့အတည်တကျဖြစ်တာနဲ့ အမေရိကားကိုလိုက်ခဲ့မလို့ ပြင်ဆင်ထားခဲ့ပေမယ့် ကြားကာလမှာနေမကောင်းဖြစ်ပြီးတော့ သေဆုံးသွားခဲ့တယ်။ နောက်ကျတော့ Jan ရဲ့ အမေကလည်း ကင်ဆာရောဂါဖြစ်လို့ အဖေသေပြီးသုံးနှစ်အကြာမှာပဲ သေဆုံးသွားခဲ့ပါတယ်။
ကလေးဘဝထဲက Jan ဟာ အခက်အခဲတွေနဲ့ရှင်သန်ခဲ့ရပေမယ့် ကျောင်းမှာလည်းဆိုးတဲ့ကလေးတစ်ယောက် ဖြစ်နေခဲ့ပါတယ်။ သူကကျောင်းတက်ရတာကို သဘောမကျဘူး။သူငယ်ချင်းတွေနဲ့လည်းအဆင်မပြေဖြစ်တာများတယ်။ သူအထက်ကျောင်းကနေ ဘွဲ့ရဖို့တောင်အနိုင်နိုင်လုပ်ခဲ့ရတယ်။ ဒါပေမယ့် အမေရိကားမှာနေတဲ့ကာလအတွင်း ဆယ်ကျော်သက်အရွယ်မှာ Jan က ကိုယ့်ဟာကိုယ် သင်ယူခဲ့တယ်။ သူကွန်ပြူတာတွေနဲ့ Network တွေကို စိတ်ဝင်စားလာတယ်။ ဒါကြောင့် ဒီအကြောင်းတွေနဲ့ပတ်သက်တဲ့စာအုပ်တွေကို Second-hand စာအုပ်ဆိုင်တွေကနေ ဝယ်ပြီးတော့ဖတ်တယ်။ သူဖတ်လို့ပြီးပြီဆိုရင် ပိုက်ဆံပြန်ရအောင်လို့ အဲဒီဆိုင်မှာပဲစာအုပ်ကိုပြန်သွင်းခဲ့တယ်။
သူ့ဟာသူ Network Engineering ကိုလေ့လာရင်းနဲ့ နောက်ဆုံးတော့ San Jose University မှာ Computer Science နဲ့ Mathematics သင်ယူခွင့်လျှောက်ထားနိုင်ခဲ့တယ်။ အဲဒီလိုသင်ကြားရင်းနဲ့ Online Network အဖွဲ့တွေ၊ Hacker အဖွဲ့တွေနဲ့လည်း ပါဝင်လှုပ်ရှားခဲ့တယ်။ ဒါပေမယ့် အထက်တန်းတုန်းကလိုပဲ Jan က တက္ကသိုလ်တက်ရတာကို မုန်းနေခဲ့တယ်။ "ကျွန်တော်ကျောင်းတွေကိုမုန်းတယ်လို့တောင်" Forbes ကို ပြောပြခဲ့ဖူးပါတယ်။
တက္ကသိုလ်တက်နေတဲ့အတောအတွင်းမှာ Jan က Ernst & Young လို့ခေါ်တဲ့ Accounting Firm တစ်ခုမှာ အချိန်ပိုင်းဝင်လုပ်ခဲ့တယ်။ အဲဒီမှာ Computer Security Audits တွေနဲ့ ပတ်သက်ပြီးတော့လုပ်ခဲ့ရတာပေါ့။ ဖြစ်ချင်တော့ Ernst & Young ရဲ့ ဖောက်သည်ထဲကတစ်ခုက Yahoo ဖြစ်နေတယ်။ ဒါနဲ့ Jan က Yahoo ကနေ အလုပ်ကမ်းလှမ်းတာကို ခံခဲ့ရတာပေါ့။ တက္ကသိုလ်တက်နေတုန်းပဲရှိသေးပေမယ့် အလုပ်လာလုပ်ဖို့ခေါ်တာကို Jan က နှစ်ခါပြန်မတွေးဘဲ တစ်ခါတည်းကျောင်းထွက်ပြီး Yahoo မှာ အချိန်ပြည့်အလုပ်လုပ်ခဲ့တယ်။
အသက် ၃၁ နှစ်မှာ Yahoo ကနေအလုပ်ထွက်ပြီး အလုပ်တူတူလုပ်ခဲ့တဲ့ သူငယ်ချင်းနဲ့ကမ္ဘာပတ်ပြီးခရီးတွေထွက်ခဲ့ကြတယ်။ နောက်ပိုင်းကျတော့ သူတို့နှစ်ယောက်လုံး Facebook မှာ အလုပ်သွားလျှောက်ကြတာပေါ့။ အဲချိန်မှာ Facebook က Jan တို့သူငယ်ချင်းနှစ်ယောက်လုံးရဲ့အလုပ်လျှောက်လွှာတွေကို ပယ်ချပြီးအလုပ်မခန့်ခဲ့ဘူး။ ဒီလိုနဲ့ Facebook ကနေငြင်းတာခံလိုက်ရပြီး ၂ နှစ်အကြာမှာ Jan က iPhone တစ်လုံးဝယ်ခဲ့တယ်။ သူက App Store လောကရဲ့ ဖြစ်နိုင်ခြေတွေကို ကြိုမြင်ပြီးတော့ ပြောဆိုဆက်ဆံရေးကိုထုတ်လွှင့်ပေးနိုင်မယ့် App တစ်ခုတီထွင်ဖို့ Code တွေစပြီးရေးခဲ့တယ်။
Read More >>> အတွေ့အကြုံမရှိပဲ ကိုယ်ပိုင်စီးပွားရေးစတင်ချင်သူတွေအတွက် လိုက်နာရမယ့်အချက်များ
အစကတော့ ဒီ App ကိုဖြစ်အောင်မလုပ်နိုင်တာကြောင့် သူ့အရည်အချင်းကိုအားမလိုအားမရဖြစ်ပြီး လက်လျှော့ဖို့အထိလုပ်ခဲ့ပါသေးတယ်။ ဒါပေမယ့် စွန့်ဦးတီထွင်သူရဲ့ဗီဇအရ Jan က အားမလျှော့ပဲ ထွင်လာလိုက်တာ ၂ဝဝ၉ လည်းရောက်ရော Whatsapp ဆိုတဲ့ Messaging Platform ကိုတည်ထောင်နိုင်ခဲ့တယ်။ ၂ဝ၁၄ ရောက်တဲ့အချိန်မှာ Whatsapp ကိုသုံးတဲ့လူဦးရေက တစ်ကမ္ဘာလုံးမှာ အယောက် သန်း ၄ဝဝ တောင်ရှိခဲ့တယ်။ နောက်တော့ သူနဲ့ Whatsapp ကို အတူတည်ထောင်ခဲ့တဲ့ သူငယ်ချင်း Brain Acton (Yahoo က သူငယ်ချင်း) တို့က ဒီ App ကို ဒေါ်လာ ၁၉ ဘီလီယံနဲ့ Facebook ကိုပြန်ရောင်းနိုင်ခဲ့ပါတယ်။
တကယ်လို့သာ ၃၁ နှစ်အရွယ် Jan ကို အလုပ်လက်ခံခဲ့မယ်ဆိုရင် Jan ရဲ့ Whatsapp ကို တီထွင်ဖို့အတွေးကို Facebook က အလိုလိုပိုင်ဆိုင်ခဲ့ရမှာပါ။ အခုတော့ ထွန်းထွန်းထောက်မယ့်ကြယ်တစ်စင်းကို အမြင်ဝါးပြီးလျစ်လျူရှုခဲ့လို့ အလကားနေအလကား ၁၉ ဘီလီယံကုန်သွားတာပေါ့။ ဒီဆောင်းပါးလေးကနေ စာဖတ်နေတဲ့သူတွေကို ဘာသိစေချင်လဲဆိုတော့ ကျောင်းတက်ပြီးဘွဲ့တွေရမှ ပညာတတ်တာမဟုတ်ဘဲ အပြင်မှာလေ့လာလည်း ပညာတတ်တယ်ဆိုတာကိုပါ။ ဒါကြောင့် ပညာရေးစနစ်မကောင်းသေးတဲ့ ကိုယ်တွေနိုင်ငံအပေါ် အပြစ်တင်နေရင်လည်း မောတာပဲရှိတဲ့အတူတူ ကိုယ့်ဟာကိုယ်ပဲ လေ့လာလိုက်ကြရအောင်လို့ ပြောချင်ပါတယ်။
Ref; Life Style
Myanmar Advertising Directory
