ကိုကာကိုလာလို့ ပြောလိုက်ရင် မသိတဲ့သူ မရှိသလောက်ပါပဲ။ ဒီအချိုရည် ကုမ္ပဏီကို ၁၈၈၆ ခုနှစ်ကတည်းက စတင် တည်ထောင်ခဲ့တာဖြစ်ပြီး အချိုရည်လုပ်ငန်းကဏ္ဍမှာတော့ ပထမဦးဆုံးသော ပေါ်ထွက်လာတဲ့  သက်တမ်းကြာ ကုမ္ပဏီတစ်ခု ဖြစ်ပါတယ်။ 

 

ယခုအချိန်ထိ နှစ်ပေါင်း (၁၃၇) နှစ် ကြာသည့်တိုင်အောင် သူ့ရဲ့ အောင်မြင်မှုကတော့ တရိပ်ရိပ် ဆက်တက်နေတုန်းပါပဲ။

 

ကိုကာကိုလာအနေနဲ့ သူ့ရဲ့ အချိုရည်လုပ်ငန်းကို လူတွေ သိအောင် ဘယ်လိုလုပ်ခဲ့သလဲ၊ ဘယ်လို အောင်မြင်တဲ့ ကြော်ငြာတွေ ဖန်တီးခဲ့သလဲဆိုတာ အားလုံးပဲ စိတ်ဝင်စားကြမယ်လို့ ထင်ပါတယ်။ ဘာကြောင့်လဲဆိုတော့ သူ့ရဲ့ ကြော်ငြာတဲ့ ပုံစံဟာ အခုချိန်ထိ အသွင်အမျိုးမျိုးနဲ့ လူတွေကို ဆွဲဆောင်နိုင်နေဆဲ ဖြစ်နေတာကြောင့်ပါ။

 

၁။ Coca-Cola Coupon ( 1887 )

 

ကိုကာကိုလာကုမ္ပဏီ တည်ထောင်ပြီး တစ်နှစ်အကြာမှာ Coca Cola Coupon ကို စတင် ထုတ်လုပ်ခဲ့တာ ဖြစ်ပါတယ်။ အချိုရည် ဝယ်ယူသောက်သုံးသူတွေ အနေနဲ့ ဒီကူပွန်လေး ရထားတယ်ဆိုရင် Coke တစ်ခွက် အလကား သောက်ခွင့်ရမှာပါ။

 

 

၂။ Coca-Cola’s Earliest Print Ads ( 1890 )

 

ကိုကာကိုလာရဲ့ ပထမဦးဆုံးသော ကြော်ငြာလေး ဖြစ်ပါတယ်။ ဒီကြော်ငြာလေးထဲမှာဆိုရင် “ Refreshing & Invigorating “ ဆိုတဲ့ ကြော်ငြာဆောင်ပုဒ်လေးကို ထည့်သွင်းထားပါတယ်။ ဈေးနှုန်းကတော့ 5 Cents ဖြစ်ပြီး ၁၉၅၉ ခုနှစ်ထိ ဈေးမပြောင်းခဲ့ဘူးလို့ ကိုကာကိုလာကုမ္ပဏီက ဆိုပါတယ်။

 

 

၃။ The First Celebrity Coca-Cola Ads ( 1900 )

 

၁၉၀၀ ပြည့်နှစ်မှာ ပေါ်ထွက်လာတဲ့ ဒုတိယ ကြော်ငြာတစ်ခု ဖြစ်ပြီး နာမည်ကြီး အဆိုတော်နဲ့ ရုပ်ရှင်သရုပ်ဆောင် မင်းသမီး Hilda Clark က ကိုကာကိုလာ အမှတ်တံဆိပ်ပါတဲ့ နာရီ၊ ကူပွန်တွေနဲ့အတူ ကြော်ငြာရိုက်ကူးခဲ့တာ ဖြစ်ပါတယ်။

 

 

၄။ Coca-Cola’s First Billboard ( 1925 )

 

ပထမဆုံးသော ကြော်ငြာဘေဘုတ်တစ်ခု ဖြစ်ပါတယ်။ ကိုကာကိုလာကို လူတွေ ဘယ်လောက် သောက်နေပြီး ဘယ်လောက် အောင်မြင်နေပြီဆိုတာ ဖော်ပြတဲ့ ကြော်ငြာဘေဘုတ်တစ်ခုဆိုရင် မမှားပါဘူး။

 

 

၅။ Coca-Cola’s Paint Ads ( 1931 )

 

ခရစ်စမတ်ဘိုးဘိုး Santa Claus က ကိုကာကိုလာပုလင်း ကိုင်ထားတဲ့ ပုံဟာ စနေနေ့ ညနေခင်း မဂ္ဂဇင်းတွေမှာ အချိန်မှန်မှန် ပါလာခဲ့ပါတယ်။ ဒီပုံကို ရေးဆွဲခဲ့သူကတော့ Haddon Sundblom ဖြစ်ပြီး ၁၉၃၁ ခုနှစ်ကနေ ၁၉၆၄ ခုနှစ်ထိ ၃၃ နှစ်တိုင်တိုင် ရေးဆွဲပေးခဲ့ပါတယ်။

 

 

၆။ Olympic Record Keepers ( 1932 )

 

လော့အိန်ဂျလီမှာ ၁၉၃၂ ခုနှစ်တုန်းက ကျင်းပတဲ့ နွေရာသီ အိုလံပစ်ပြိုင်ပွဲမှာ ဝင်ရောက်ယှဉ်ပြိုင်တဲ့ အားကစားသမားတွေကို ကိုကာကိုလာက “ Olympic Record Keepers “ ဆိုတဲ့ တံဆိပ်ပြားတွေ ပေးခဲ့ပါတယ်။ အမျိုးမျိုးသော အားကစားတွေ ပြိုင်တဲ့အခါ World Record တွေ သိမ်းထားနိုင်အောင်လို့ လို့ ဆိုပါတယ်။ ဒါလည်း သူ့ရဲ့ ကုန်ပစ္စည်း အမှတ်တံဆိပ်ကို ကြော်ငြာနည်း တစ်မျိုးပါပဲ။

 

 

၇။ Coca-Cola’s Calendar Ads ( 1935 )

 

၁၉၂၈ ခုနှစ်နဲ့ ၁၉၃၅ ခုနှစ်အတွင်းမှာ ပန်းချီဆရာ Norman Rockwell က ကိုကာကိုလာ ကြော်ငြာထဲမှာ ထည့်သွင်း အသုံးပြုဖို့အတွက် လူငယ်လေးတစ်ယောက်က သစ်ပင်ပေါ်ကနေ ငါးမျှားရင်း ကိုလာသောက်နေတဲ့ ပုံကို ရေးဆွဲပေးခဲ့တာ ဖြစ်ပါတယ်။ ၁၉၃၇ ခုနှစ်မှာ “ Out Fishin “ ဆိုတဲ့ နာမည်နဲ့ ပြက္ခဒိန် ထုတ်ခဲ့ပါတယ်။ 

 

 

၈။ Coca-Cola’s Ads ( 1944 )

 

ဒုတိယကမ္ဘာစစ်ကြီး ပြီးတော့ အမေရိကန် စစ်သားတွေ အိမ်ပြန်လာပါတယ်။ အဲဒီအချိန်မှာ စစ်သားတစ်ယောက်က နံရံမှာ ကပ်ထားတဲ့ ကိုကာကိုလာကြော်ငြာကို တွေ့ပြီး “ ငါ့ရဲ့သူငယ်ချင်းဟောင်းကြီး “ ဆိုပြီး ပျော်သွားတဲ့ပုံကို ဖော်ပြထားပါတယ်။

 

 

၉။ Coca-Cola’s Yes Girl Billboard ( 1946 )

 

၁၉၄၆ ခုနှစ်မှာ လွှင့်တင်ခဲ့တဲ့ Yes Girl ဆိုတဲ့ ဘေဘုတ်ကတော့ ကိုကာကိုလာရဲ့ ပွဲဦးထွက် အကြီးဆုံး ဘေဘုတ်ကြော်ငြာတစ်ခု ဖြစ်ခဲ့ပါတယ်။ ဒီဘေဘုတ်ကိုလည်း Haddon Sundblom ရေးဆွဲပေးခဲ့တာပါ။

 

 

၁၀။ Coca-Cola’s 65th Anniversary ( 1946 )

 

ဒီကြော်ငြာပုံကတော့ ကိုကာကိုလာရဲ့ ၆၅ နှစ်မြောက် နှစ်ပတ်လည် အထိမ်းအမှတ်ကို ကျင်းပ ပြုလုပ်ခဲ့တုန်းက ပုံ ဖြစ်ပါတယ်။ ၁၈၈၆ ခုနှစ်မှာ စတင်တည်ထောင်ခဲ့တဲ့ ကိုကာကိုလာဟာ ၁၉၄၆ ခုနှစ်မှာ သက်တမ်း ၆၅ နှစ် ပြည့်ခဲ့ပါပြီ။

 

 

၁၁။ Coca-Cola’s Ads ( 1957 )

 

အာဖရိကန် - အမေရိကန် အမျိုးသမီး Mary Alexander ဟာ ကိုကာကိုလာ ကြော်ငြာမှာ ပထမဦးဆုံး ပါဝင်ခဲ့တဲ့ မော်ဒယ်တစ်ဦး ဖြစ်ခဲ့ပါတယ်။ ၁၉၅၀ ခုနှစ်ကနေ ၁၉၅၇ ခုနှစ်တွေ အတွင်းမှာ သူမဟာ ကိုကာကိုလာအတွက် ပရင့်ကြော်ငြာ ၁၅ ခုမှာလည်း ပါဝင် သရုပ်ဆောင်ပေးခဲ့ပါတယ်။

 

 

၁၂။ Coca-Cola’s " Buy the world a Coke " Song ( 1971 )

 

ကိုကာကိုလာရဲ့ " I’ve like to buy the world a Coke " ဆိုတဲ့ သီချင်းကို ၁၉၇၁ ခုနှစ်မှာ နိုင်ငံတကာက လူငယ်ပေါင်းများစွာက သီဆိုခဲ့ကြပါတယ်။ ဒီသီချင်းကို Bill Backer, Billy Davis, Roger Cook နဲ့ Roger Greenaway ဆိုသူတို့ အတူပေါင်းစပ် ရေးသားပေးခဲ့တာ ဖြစ်ပြီး UK နဲ့ US နိုင်ငံတွေမှာ အတော်ကို အောင်မြင် ကျော်ကြားခဲ့ပါတယ်။

 

 

၁၃။ Coca-Cola’s Ads ( 1979 )

 

ဘောလုံးအားကစားသမား တစ်ဦးဖြစ်တဲ့ Joe Greene က ကိုကာကိုလာကို မော့သောက်နေတဲ့ပုံဟာ ရေပန်းစားတဲ့ ကြော်ငြာဓာတ်ပုံတစ်ခု ဖြစ်ခဲ့ပါတယ်။ ကောင်လေးတစ်ယောက်က Greene ကို ကိုလာတစ်ပုလင်း ပေးခဲ့ပြီး သူက ကောင်လေးကို သူ့ရဲ့ သိုးမွှေးဆွယ်တာလေး လက်ဆောင်ပြန်ပေးခဲ့ပါတယ်။ 

 

 

၁၄။ Coca-Cola’s Diet Coke ( 1982 )

 

ကိုကာကိုလာကနေ ၁၉၈၂ ခုနှစ်မှာ Diet Coke ဆိုတဲ့ အချိုရည်ကို ထပ်မံ ထုတ်လုပ်ခဲ့ပါတယ်။ Diet Coke ဟာ ကယ်လိုရီ လျှော့ချလိုတဲ့သူတွေရဲ့ အသည်းစွဲ ဖြစ်ခဲ့ပြီး အမေရိကန် အချိုရည်ဈေးကွက်ကို ကိုင်လှုပ်နိုင်ခဲ့ပါတယ်။

 

 

၁၅။ Coca-Cola’s Cherry Coke ( 1985 )

 

၁၉၈၅ ခုနှစ်မှာ နောက်ထပ် အချိုရည်တစ်မျိုးကို ထပ်ပြီး ထုတ်လုပ် ရောင်းချခဲ့ပါတယ်။ Cherry Coke လို့ အမည်ရပြီး အမေရိကန် တော်တော်များများဟာ ကလေးတွေလို စွဲစွဲလမ်းလမ်းနဲ့ နှစ်သက်ခဲ့ကြတဲ့ အထိပါပဲ။

 

 

၁၆။ Coca-Cola’s New Coke ( 1985 )

 

၇၉ နှစ် ကြာပြီးတဲ့ နောက်မှာ ကိုကာကိုလာဟာ ပထမဦးဆုံး ထုတ်လုပ်ခဲ့တဲ့ မူလ Coke ဘူးကို ဒီဇိုင်းအသစ် ပြန်လည် ပြောင်းလဲပြီး ရောင်းချမယ်လို့ ကြေညာခဲ့ပါတယ်။ ဒါပေမဲ့ လူတွေက မနှစ်မြို့ကြတာကြောင့် မူရင်းဘူးပုံစံအတိုင်းပဲ ပြန်ထုတ်ခဲ့ရပါတယ်။

 

 

၁၇။ Coca-Cola’s Ads Slogan ( 1991 )

 

ကိုကာကိုလာရဲ့ “ Can’t beat the real Things “ ဆိုတဲ့ ဆောင်ပုဒ်ဟာ ၁၉၉၁ ခုနှစ်ကနေ ၁၉၉၃ ခုနှစ်အထိ ၄ နှစ်ဆက်တိုက် လူအများကြားမှာ ရေပန်းစားတဲ့ ကြော်ငြာဆောင်ပုဒ်တစ်ခု ဖြစ်ခဲ့ပါတယ်။

 

 

၁၈။ Coca-Cola’s “ Always “ Campaign ( 1993 )

 

ပိုလာဝက်ဝံလေးတစ်ကောင်က ကိုကာကိုလာပုလင်းကို ကိုင်ထားတဲ့ ပုံဟာ ၁၉၉၃ ခုနှစ်မှာ “ Always “ ဆိုတဲ့ Campaign ရဲ့ အစိတ်အပိုင်းတစ်ခု ဖြစ်ခဲ့ပါတယ်။ ကုမ္ပဏီအနေနဲ့ ဒီကမ်ပိန်းကို Holiday Ads တွေမှာ အသုံးပြုခဲ့ပါတယ်။

 

၁၉။ Coca-Cola’s Sales Booth ( 2004 )

 

ကိုကာကိုလာဟာ ၂၀၀၄ ခုနှစ်တုန်းကစပြီး အာဖရိက အနောက်မြောက်ဘက် ကမ်းရိုးတန်း အနီးမှာ တည်ရှိတဲ့ Cape Verde ကျွန်းမှာ Sales Booth လေးတွေ ဖွင့်ပြီး အရောင်းမြှင့်တင်ခဲ့ပါတယ်။

 

 

၂၀။ World of Coca-Cola Museum ( 2007 )

 

ကိုကာကိုလာ ကုမ္ပဏီရဲ့ သမိုင်းကြောင်းတွေကို မြင်တွေ့နိုင်မယ့် Coca-Cola Museum ဟာ Atlanta, Georgia မှာ တည်ရှိပါတယ်။ ပြတိုက်ကို ၁၉၉၀ ခုနှစ်ကတည်းက တည်ဆောက်ခဲ့တာ ဖြစ်ပြီး ၂၀၀၇ ခုနှစ်မှာ ဖွင့်လှစ်ခဲ့ပါတယ်။ ပြတိုက်ကို နှစ်စဉ် လေ့လာသူပေါင်း 9 Millions ကျော် ဝင်ရောက်ပြီး လာရောက် လေ့လာသူ အများဆုံး နေရာအဖြစ် စံချိန်တင်နိုင်ခဲ့ပါတယ်။

 

 

၂၁။ “ Share a Coke “ Campaign ( 2011 )

 

သြစတြေးလျနိုင်ငံမှာ “ Share a Coke “ ဆိုတဲ့ ကမ်ပိန်းတစ်ခုကို ၂၀၁၁ ခုနှစ်မှာ စတင် မိတ်ဆက်ခဲ့ပြီး ဒီကမ်ပိန်းဟာ ကိုကာကိုလာရဲ့ သက်တမ်းတစ်လျှောက် အအောင်မြင်ဆုံး ကမ်ပိန်းဖြစ်ခဲ့ပါတယ်။ ၂၀၁၄ ခုနှစ်မှာ အမေရိကန်နိုင်ငံတွေမှာ ဒီကမ်ပိန်းကို ထပ်မံ မိတ်ဆက်ခဲ့ပါတယ်။

 

 

၂၂။ “ Catch “ Campaign ( 2012 )

 

ပိုလာဝက်ဝံလေး (၂) ကောင်က အရောင်မတူညီတဲ့ လည်စည်းလေးကို ဝတ်ဆင်ပြီး ဂိမ်းတစ်ခုကို အတူတူ ကြည့်နေကြပြီး လည်စည်းအရောင်မတူတာကတော့ သူတို့ အားပေးတဲ့ အသင်းတွေကို ဖော်ပြထားတာပါ။ ကြည့်နေရင်းနဲ့ ကိုကာကိုလာ ပုလင်းကို လိုက်ဖမ်းကြတဲ့ ပုံစံမျိုး သရုပ်ဖော်ထားပါတယ်။

 

 

၂၀၁၃ ခုနှစ်နောက်ပိုင်းမှာ TV, Radio Advertising တွေနဲ့ Billboard Advertising တွေတင် မကတော့ပဲ Social Media နဲ့ Digital Advertising တွေလည်း စတင် ခေတ်စားလာတာကြောင့် ကိုကာကိုလာ ကုမ္ပဏီဟာ သူ့ရဲ့ အရောင်းမြှင့်တင်ရေး ကြော်ငြာလုပ်ငန်းတွေကို ယခင်ထက်ပိုပြီး ကျယ်ကျယ်ပြန့်ပြန့် လုပ်ဆောင်လာပါတယ်။

 

Billboard နဲ့တစ်သွယ်၊ TV နဲ့ တစ်မျိုး၊ Digital Advertising နဲ့ တစ်ဖုံ အမျိုးမျိုး ကြော်ငြာပြီး သူ့ရဲ့ အောင်မြင်မှုကို ဆက်လက် အရှိန်မြင့်လာခဲ့တာ အခုချိန်ထိ တိုင်အောင်ပါပဲ။ နှစ်ပေါင်း (၁၃၇) နှစ် ကြာသည်အထိ အောင်မြင်မှုကို ဆက်လက် ထိန်းသိမ်းထားနိုင်တာကတော့ တကယ်အံ့မခန်းပါပဲ။

 

Su Mon Oo ( Mine )

Sony ဟာဆိုရင်တော့ လောလောလတ်လတ် ၎င်းတို့ Announce လုပ်ထားတဲ့ Play Station မထွက်ခင် ဈေးကွက်မြှင့်တင်တဲ့ ကိစ္စရပ်များကို ဆောင်ရွက်နေတာ တွေ့ရပါသည်။

ကမ္ဘာ့ ကြော်ငြာ ရေးရာ နယ်ပယ်က တော့ ရံဖန်ရံခါ အခု လိုပဲ အကျပ်အတည်းနဲ့ ကြုံနေရတာပါပဲ။အခု လို Covid - 19 ရောဂါ တစ်ကမ္ဘာ့ လုံးနဲ့ အမျှ ခံစားနေရတာနဲ့ အမျှ နိုင်ငံ အသီးသီးက ခေါင်းဆောင်တွေ အစိုးရ အဖွဲ့ ဝင်တွေကလည်းတိုင်းသူပြည်သားတွေအတွက် ကျန်းမာရေး ဆိုင်ရာ ထိခိုက်မှု့ အမြှောက်အများ မဖြစ်စေ ရအောင်ကာကွယ်ဖို့ ကြိုးစားကြပါတော့တယ်။

လက်တွေ့ကျကျ ပြောမယ်ဆိုရင် ကိုရိုနာရောဂါဖြစ်ပွားခြင်းဟာ ကမ္ဘာ့ကြော်ငြာ ရေးရာနယ်ပယ်ကို အဓိကခြောက်လန့်လျက်ရှိပြီး အထူးသဖြင့် နေအိမ်ပြင်ပ ကြော်ငြာ ခြင်းကို များစွာ ထိခိုက်စေပါတယ်။

ကြော်ငြာ တစ်ခု စီစဉ်ပြီဆိုပါက အဓိကအားဖြင့် သိထားသင့်တဲ့ အချက် ၅ ချက်ရှိပါတယ်။၎င်းအချက်များမှာ 

တိုက်ရိုက်သုံးစွဲသူ၊ စားသုံးများထံသို့ လုပ်ငန်းရှင်များရဲ့ ကုန်ပစ္စည်းများ၊ ဝန်ဆောင်မှုများ၊ အကြံဉာဏ်များ အလွယ်တကူ ရောက်ရှိသွားရန် အလွန်အရေးကြီးပါတယ်။ဒီအချိန်မှာ ကြော်ငြာခြင်း အခန်းကဏ္ဍမှာ လည်းအဓိက အစိတ်အပိုင်းတစ်ခုအနေနဲ့ ပါဝင်လာပါပြီ။ ကြော်ငြာခြင်း ( Advertising ) ဆိုတာ စားသုံးသူ၊ကြည့်ရှူ့သူ၊ နားထောင်သူ များကို ဆွဲဆောင်စည်းရုံးပြီး မိမိလိုချင်တဲ့ဘက်ကို သွေးဆောင်နိုင်တဲ့ ဆက်သွယ်ရေးနည်းဗျူဟာ တစ်ခုဖြစ်ပါသည်။

ကြော်ငြာဟာ စီးပွားရေးလုပ်ငန်းတစ်ခုအဖြစ် ဘယ်လိုမျိုးပြောင်းလဲလာခဲ့သလဲ။ လွန်ခဲ့သောနှစ်ထောင်ပေါင်းများစွာမှာတော့ လူတွေဟာ သူတို့ရဲ့အချိန်တွေကို အခြေခံလိုအပ်ချက်တွေဖြစ်တဲ့ အစားအသောက်၊ နေစရာနဲ့ အဝတ်အစားတွေအတွက်သာ အဓိကအသုံးချကြပါတယ်။

တကယ်တော့ ကြော်ငြာလုပ်ငန်းဟာ စီးပွားရေးလုပ်ငန်း အားလုံးနဲ့ သက်ဆိုင်ပါတယ်။ အကြီးစား စီးပွားရေးပဲဖြစ်ဖြစ်၊ အလတ်စားနဲ့ အသေးစား လုပ်ငန်းတွေပဲ ဖြစ်ဖြစ် တစ်နည်းမဟုတ်တစ်နည်း ကြော်ငြာကို အသုံးပြုကြရတာပါပဲ။ ကုမ္ပဏီကြီးလာလေလေ ကြော်ငြာစရိတ်လည်း ပိုသုံးလာလေလေပါ။

အနီရောင်၊ အပြာရောင်၊ အဝါရောင်၊ အစိမ်းရောင် စတဲ့ အရောင်တွေက အခြေခံအရောင်များထဲမှ အစိတ်အပိုင်းတစ်ခုဖြစ်နိုင်ပြီး စီးပွားရေးလုပ်ငန်းများအတွက် အဓိကအခန်းကဏ္ဍတစ်ရပ်မှ ပါဝင်နေပါတယ်။

စီးပွားရေးလုပ်ငန်းကြီးတစ်ခု လုပ်ကိုင်တော့မည်ဆိုလျှင် ကြော်ငြာနှင့်ကင်းလို့ မရနိုင်ပါ။